Corona Effect: విశాఖ మాజీ ఎంపి సబ్బం హరి ఇటీవల కరోనా బారిన పడ్డారు. ఈ నెల 15వ తేదీన ఆయనకు కరోనా పాజిటివ్ నిర్ధారణ కాగా వైద్యుల సూచనల మేరకు మూడు రోజుల పాటు హోం క్వారంటైన్ లో ఉండి చికిత్స పొందారు. ఆ తరువాత శ్వాస తీసుకోవడంలో ఇబ్బంది, ఊపిరితిత్తుల్లో ఇన్పెక్షన్ తదితర సమస్యలు ఎదురుకావడంతో విశాఖలోని ఓ ప్రైవేటు ఆసుపత్రిలో చేరి చికిత్స పొందుతున్నారు. అయితే ప్రస్తుతం ఆయన పరిస్థితి విషమంగా ఉన్నట్లు వైద్యులు చెబుతున్నారు.
రాష్ట్రంలో కరోనా కేసులు రోజురోజుకు పెరుగుతుండటం ప్రజలను తీవ్ర ఆందోళనకు గురి చేస్తుంది. సామాన్యులతో పాటు ప్రముఖులు, ప్రజా ప్రతినిధులు, నేతలు కరోనా బారిన పడుతున్నారు. దీంతో ఆ నాయకుల అభిమానులు ఆందోళన చెందుతున్నారు.
