అవును.. మీరు చదివిన టైటిల్ కరెక్టే. అతడికి కరోనా వచ్చింది. దీంతో వెంటనే అతడిని ఆసుపత్రికి షిఫ్ట్ చేశారు. ఐసీయూలో ఉంచి చికిత్స అందిస్తున్నారు. ఓవైపు కరోనాతో పోరాడుతూ కూడా ఎప్పుడెప్పుడు పెళ్లి చేసుకోవాలా.. అని ఆతృత పడుతున్నాడు. ఇంతకీ మనోడు అంత ఆతృత పడటానికి కారణం ఏంటంటే.. అతడికి కరోనా రావడానికి ముందే పెళ్లి ఫిక్సయింది.
ఓ యువతిని ప్రేమించాడు. పెళ్లి పీటలకు ఎక్కేలోపే కరోనా మహమ్మారి వచ్చింది. దీంతో పెళ్లి క్యాన్సల్ చేసి అతడిని ఆసుపత్రికి తరలించి చికిత్స అందిస్తున్నారు. ఓవైపు కరోనాతో పోరాడుతూనే.. నాకు త్వరగా పెళ్లి చేయండి.. అంటూ తన కుటుంబ సభ్యులను ఇబ్బంది పెట్టాడు.
చేసేది లేక డాక్టర్ల సాయంతో తన ప్రియురాలిని ఒప్పించి మరీ.. ఆసుపత్రిలోని ఐసీయూకు రప్పించి పెళ్లి చేసుకున్నాడు. ఆసుపత్రిలో ఐసీయూ బెడ్ మీద పెళ్లి చేసుకున్నా కూడా… పెళ్లికి సంబంధించి ఎటువంటి లోటు లేకుండా చూసుకున్నాడు. మత పెద్దలను పిలిపించి ప్రార్థన చేయించి మరీ తన ప్రేయసిని పెళ్లాడాడు ఆ యువకుడు.
ఈ ఘటన యూఎస్ లోని టెక్సాస్ లో చోటు చేసుకున్నది. ప్రపంచంలో కరోనాతో పోరాడుతూ పెళ్లి చేసుకున్న వ్యక్తి ఈయన ఒక్కడే అయి ఉంటాడు. ఇక.. వీళ్ల పెళ్లికి సంబంధించిన ఫోటోలు, వీడియోలు ప్రస్తుతం సోషల్ మీడియాలో వైరల్ గా మారాయి.
