కరోనా మహమ్మారి సృష్టిస్తున్న విలయతాండవం అంతా ఇంతా కాదు. దీని దెబ్బతో ప్రపంచ దేశాలన్నీ కుదేలయ్యాయి. ప్రపంచ వ్యాప్తంగా లక్షల మందిని పొట్టనపెట్టుకుంది. లక్షల్లో పాజిటీవ్ కేసులు నమోదవుతున్నాయి. ప్రశాంతంగా ఉన్న వాతావరణాన్ని ఒక సారిగా దానికి పూర్తి భిన్నంగా మార్చేసింది ఈ కరోనా మహమ్మారి. బతుకుతెరువు కోసం వచ్చిన వలసల పరిస్థితి గురించి ప్రత్యేకంగా చెప్పాల్సిన అవసరం లేదు. దేశం కాని దేశం వెళ్లి కూలీగా బతుకీడుస్తున్న వారి జీవితాల్లోకి సునామిలా వచ్చి వారి జీవితాలను అతలాకుతలం చేసేసింది.
పూట గడుసుడెట్లా అనే పరిస్థితికి చాలా మంది జీవితాలను తీసుకొచ్చింది ఈ కరోనా వైరస్. లాక్ డౌన్ చేసినప్పటి నుంచి ఇప్పటి వరకు చాలా మంది జీవితాలు పూట గడపడానికి కూడా ఏ జీవనాధారం లేకుండా గడుపుతున్నారు. ఇదిలా ఉంటే కరోనా మూలంగా చాలా మందికి బతుకుదెరువు లేకుండా పోతే ఒక వ్యక్తి మాత్రం కరోనా వైరస్ ఎంట్రీ మూలంగా లాభాలు పొందుతున్నాడటా.. హా అదేంది లాభాలు పొందుతున్నాడా అనుకుంటున్నారా.. నిజమేనండి బాబూ.. మరి ఆ వ్యక్తి గురించి వివరంగా తెలుసుకుందాం పదండి..
కేరళలోని కొట్టాయమ్ జిల్లా కలతిప్పడిలో జార్జ్ అనే వ్యక్తి ఏడేండ్ల కిందట కుండీలను, దీపాలను విక్రయిస్తూ జీవనం గడిపేవాడు. కాగా ఆ వ్యాపారాన్ని చేపట్టి ఆ వ్యక్తి ఏడేండ్లు కావొస్తుంది. కాని అతనికి మాత్రం ఆ ఏడేండ్లలో ఎన్నడూ లాభాలొచ్చిన దాఖలాలు లేవు. కాని కరోనా వచ్చినప్పటి నుంచి తన వ్యాపారం లాభాదాయకంగా కొనసాగుతోందని ఆ వ్యాపారి జర్జ్ తెలిపాడు. దానికి బలమైన కారణముందండోయ్.. అందేటంటారా.. అతని షాప్ పేరు కరోనా నంట. ఇంకేముంది కరోనా టైమ్ లో కరోనా షాపుకు జనాలు బారులు తీరుతున్నారంట.
మరీ ముఖ్యంగా ఇతర ప్రాంతాల నుంచి కూడా తన షాపుకు వస్తున్నారని జార్జ్ చెప్పుకొచ్చాడు. అయితే ఇదివరకెప్పుడూ తన షాపుముందు బారులు తీరని జనాలు ఇలా కరోనా వచ్చినంకా ఇలా లాభాలను ఘడిస్తుండటం వింతేనని చెబుతున్నాడు ఆ వ్యాపారి. ఆ క్రెడిటంతా కరోనా పేరుకే ఇస్తున్నాడట. అయితే ఆ వ్యాపారి కరోనా పేరు పెట్టడానికి ఒక కారణం ఉందట. కరోనా అంటే లాటిన్ భాషలో కిరీటం అనే అర్థం అట. అందుకే తన వ్యాపారం అంత ఎత్తుకు ఎదగాలని ఆ పేరు పెట్టానని వ్యాపారి తెలిపాడు. ఏదేమైనా అందరికీ హానీ చేసే కరోనా వైరస్ వల్ల ఆ పేరు పెట్టుకున్న నిన్ను మాత్రం భాగానే ఆదుకుంటుందిగా…