పవర్ స్టార్ పవన్ కళ్యాణ్ వరుస సినిమాలు లైన్ లో పెడుతున్నారు. దాదాపు రెండు సంవత్సరాలకు పైగా సినిమా ఇండస్ట్రీకి దూరం కావడంతో అభిమానులు ఆకలి తీర్చడానికి పవన్ డిఫరెంట్ సబ్జెక్టులతో సినిమాలు ఒప్పుకుంటూ స్పీడ్ పెంచుతున్నారు. ఇప్పటికే రీఎంట్రీ సినిమా “వకీల్ సాబ్” షూటింగ్ కంప్లీట్ చేసి నెక్స్ట్ క్రిష్ దర్శకత్వంలో పిరియాడికల్ సినిమా చేయడానికి రెడీ అవుతున్న సంగతి తెలిసిందే.
ఇలాంటి తరుణంలో క్రిష్ కి కరోనా పాజిటివ్ రావటంతో.. ఇండస్ట్రీలో ఈ వార్త సంచలనం అయ్యింది. చలికాలం కావడంతో మహమ్మారి వైరస్ భారీ స్థాయిలో విజృంభిస్తోంది. ఇప్పటికే మెగా కుటుంబానికి చెందిన మెగా హీరోలు కరోనా బారిన పడి ప్రస్తుతం హోమ్ క్వారంటైన్ లో చికిత్స తీసుకుంటూ ఉన్నారు. అయితే క్రిష్ కి కూడా ఈ మహమ్మారి సోకటంతో ఈ ఎఫెక్ట్ పవన్ కళ్యాణ్ సినిమా పై పడే అవకాశం ఉందని ఇండస్ట్రీ వర్గాలు అంటున్నాయి.
మేటర్ లోకి వెళ్తే పవన్ సినిమాకి సంబంధించి షూటింగ్ మొదలు పెట్టడానికి రెడీ అవుతున్న తరుణంలో.. ప్రస్తుతం పాజిటివ్ రిపోర్ట్ రావడంతో షూటింగ్ మరింత ఆలస్యమయ్యే అవకాశం ఉంది అనే టాక్ ఇండస్ట్రీలో వినబడుతుంది.