Corona Vaccine: దేశవ్యాప్తంగా కరోనా వైరస్ విజృంభిస్తోంది..! ఆంధ్రప్రదేశ్ లో పది రోజుల క్రితం వరకు వందల సంఖ్యలోనే నమోదైన కేసులు.. ఈ 24 గంటల్లో వేల సంఖ్యలో నమోదయ్యాయి..!! ఈ సమయంలో కరోనా ను కట్టడి చేయాలంటే వ్యాక్సిన్ తీసుకోవడమే ప్రధాన ఆయుధం..!! ప్రధాని మోదీ పిలుపు మేరకు టీకా ఉత్సవం దేశ వ్యాప్తంగా కొనసాగుతోంది..! ప్రజల్లో మాత్రం వ్యాక్సిన్ పై అపోహలు తొలగి పోవడం లేదు.. తాజాగా ఆంధ్రప్రదేశ్ కు చెందిన హలో కిచెన్ అనే సంస్థ వ్యాక్సింగ్ చేయించుకున్న వారికి ఫ్రీ బిర్యానీ ఆఫర్ చేస్తోంది..!!
హలో కిచెన్ అనే సంస్థ చెందిన విజయనగరం, కాకినాడ బ్రాంచ్ లో ఈ ఉచిత బిర్యానీ ఆఫర్ అందుబాటులో ఉంటుందని సోషల్ మీడియాలో పోస్టులు పెట్టారు.. అలాగే ఆ హోటల్ దగ్గర ప్రచార బోర్డులు పెట్టారు. ప్రస్తుతం సోషల్ మీడియాలో ఈ ఫోటో వైరల్ అవుతోంది. ఫ్రీ బిర్యానీ కావాలి అనుకున్న వారు.. మొదట వ్యాక్సిన్ తీసుకున్నట్లు సర్టిఫికేట్ చూపించాలి.. అయితే ఈ ఆఫర్ ఈ నెల 14 వరకు మాత్రమే.. అంతేకాకుండా ఈ ఆఫర్ రోజులో మొదటి వంద మందికి మాత్రమే వర్తిస్తుంది.. కండిషన్లు ఎలా ఉన్నా ఆఫర్ మాత్రం అదుర్స్ అంటున్నారు బిర్యానీ ప్రియులు.. మీరు త్వరగా వ్యాక్సిన్ వేయించుకోండి.. బిర్యాని లాగించేయండి..