కరోనా మహమ్మారి నివారణ కోసం వ్యాక్సిన్ కనిపెట్టేందుకు అన్ని దేశాలు నిమగ్నమై ఉన్నాయి. భారత్ లో భారత్ బయోటెక్ తో సహా.. రష్యా, జర్మనీ, ఫ్రాన్స్, అమెరికా, చైనా వంటి ముఖ్య దేశాల్లో ప్రయోగాలు జరుగుతున్నాయి. ఇండియాలో భారత్ బయోటెక్ తన టీకాను ఆగష్టు 15న విడుదల అవుతుందని ఐసీఎంర్ ప్రకటించింది. ఆ దిశగా కొన్ని ప్రయోగాలు చేస్తున్నారు. ఇప్పటికే తొలి దశ ప్రయోగాలు విజయవంతమయ్యాయి. మరోవైపు ఆక్స్ ఫర్డ్ టీకా కూడా విజయవంతమైందని పరిశోధకులు అంటున్నారు. చైనా కూడా తమ టీకా విజయవంతమైందని ప్రకటించింది. ఇలా ఎవరికి వారు కరోనాకు వ్యాక్సిన్ కొనుగొంటున్నారు.. విజయవంతమైందంటూ గొప్పగా ప్రకటిస్తున్నారు. అయితే.. ఈ మహమ్మారిపై ప్రయోగించే టీకాలో ఏ దేశం వ్యాక్సిన్ సరిగ్గా పని చేస్తుందో ఇప్పటికీ సరైన స్పష్టత లేదు.
టీకా వస్తుందనే నమ్మకం కంటే దేశాల నుంచి వస్తున్న మాటలు.. స్పష్టత లేని ప్రకటనలపై గందరగోళం నెలకొందనేది వాస్తవం. భారత్ బయోటెక్ కోవాగ్జిన్ టీకాను తమ బయో సేఫ్టీ లెవల్ 3 ప్రయోగశాలలో తయారు చేసింది. భారత శాస్త్రవేత్తలు కరోనా వ్యాక్సిన్ తయారీలో నిమగ్నమయ్యారని తెలుస్తోంది. రెండు వ్యాక్సిన్లను సిద్ధం చేసినట్టు కూడా తెలుస్తోంది. ఒక వ్యాక్సిన్ కు ఫేజ్ 1 క్లినికల్ ట్రయిల్స్, మరో వ్యాక్సిన్ రెండోదశ క్లినికల్ ట్రయిల్స్ లో విజయవంతం అయిందని తెలుస్తోంది.
అమెరికాకు చెందిన ఆక్స్ ఫర్డ్ టీకా కూడా ఫేజ్ 3 క్లినికల్ ట్రయిల్స్ లో ఉందని తెలుస్తోంది. దీనిపై ఫైనల్ ట్రయిల్స్ ను ఇండియోలో ఆగష్టు నెలలో జరుపబోతున్నట్టు సీరమ్ ఇనిస్టిట్యూల్ ఆఫ్ ఇండియా తెలిపింది. కోవిషీల్డ్ గా పిలుస్తున్న ఈ వ్యాక్సిన్ ఉత్పత్తి, సరఫరాకు సంబంధించి ఒప్పందాలను సీరమ్ ఇనిస్టిట్యూట్ ఆఫ్ ఇండియాతో జరిగాయి. ఆస్ట్రాజెనెకాతో సంయుక్తంగా అభివృద్ధఇ చేస్తున్న ఈ వ్యాక్సిన్ త్వరలో నాలుగు నుంచి ఐదు వేల మంది వాలంటీర్లపై ఫేజ్3 ట్రయిల్స్ నిర్వహిస్తామని సీరమ్ ఇనిస్టిట్యూట్ తెలిపింది.
మరోవైపు రష్యా.. తానే ప్రపంచంలో అందరికంటే ముందు ఆగష్టు 12నే కరోనా వ్యాక్సిన్ తీసుకొస్తామని ప్రకటిస్తోంది. రష్యాకు చెందిన గామాలెయ ఇనిస్టిట్యూట్, రష్యా డైరెక్ట్ ఇన్వెస్టిమెంట్ ఫండ్ ఈ టీకాను తయారు చేస్తున్నారు. తామే ముందు అనే ధోరణితో ఆరోగ్య ప్రమాణాలను పట్టించుకోవడం లేదని ఆరోపణలు వస్తున్నాయి. అయితే.. ఈ వ్యాక్సిన్ ప్రయోగదశలో భాగంగా జూలై 27న అయిదుగురు వాలంటీర్లరు రష్యా దేశంలోని వైరాలటీ ఇనిస్టిట్యూల్ ఈ టీకాను ఇవ్వగా వారిలో ఎటువంటి అనారోగ్య సమస్యలు తలెత్తలేదని తెలిపింది. మొత్తంగా ఆగష్టు నెలలో టీకా వస్తుందని అంతా ప్రకటిస్తున్నా డిసెంబర్ నెలాఖరు వరకూ పూర్తిస్థాయి టీకా వచ్చే అవకాశం లేదని కొందరు అంటున్నారు.