Covid vaccine: మన భారత దేశంలో వ్యాక్సినేషన్ ప్రక్రియను వేగవంతం చేసేందుకు కేంద్ర ప్రభుత్వం ఇతర దేశాలలో తయారైన వ్యాక్సిన్ లకు అనుమతి ఇచ్చిన విషయం తెలిసిందే. ప్రస్తుతం ట్రయల్స్ ప్రక్రియ కొనసాగుతోంది. రష్యన్ ‘స్పుట్నిక్ వి’ వ్యాక్సిన్ అయితే అన్ని అనుమతులు తెచ్చుకొని విడుదలకు సిద్ధంగా ఉంది. అలాగే మిగిలిన విదేశీ వ్యాక్సిన్ లు కూడా భారత్ లోకి వచ్చేందుకు సిద్ధమయ్యాయి. ఈ క్రమంలో ఈ వ్యాక్సిన్ లలో వైరస్ ఉంటుందని… వీటిని కనుక మనం తీసుకుంటే మన శరీరంలో కి ఆ వైరస్ ప్రవేశిస్తుందని కొన్ని వార్తలు వస్తున్నాయి.
అయితే ఇందులో నిజానిజాలు ఏమిటో అసలు ఇందులో ఉండే వైరస్ ఎలాంటిదో చాలామందికి తెలియదు. వివరాల్లోకి వెళితే… దాదాపు చాలా వ్యాక్సిన్ లలో వైరస్ అనేది ఉంటుంది కానీ అది బ్రతికి ఉండే వైరస్ అయితే కాదు. చంపబడిన లేదా నిర్వీర్యం అయిపోయిన వైరస్ లేదా వైరస్ లో ఏదో ఒక భాగంతో ఈ వ్యాక్సిన్ తయారు చేస్తారు. ఇలా చేసినప్పుడు అసలైన కరోనా వైరస్ లోపలికి వస్తే ఎటువంటి యాంటీబాడీలు మన శరీరంలో విడుదల కావాలో అవి నిర్దేశించబడుతాయి.
కాబట్టి చనిపోయిన వైరస్ లేదా వైరస్ కు సంబంధించిన స్పైక్ ప్రొటీన్ లాంటి భాగాలతోనే దాదాపు అన్ని వ్యాక్సిన్లు తయారు చేస్తారు. అవి మిగిలిన ఫార్ములాలతో తో పోలిస్తే బాగా పని చేస్తాయి. అంతే గాని బ్రతికి ఉండే వైరస్ ను అయితే మన శరీరంలోకి పంపించే అవకాశం లేదు. చనిపోయిన వైరస్ లోపలికి వెళుతుంది కాబట్టి ఈసారి నిజమైన వైరస్ వచ్చినప్పుడు దానిని పోలి ఉండటం వల్ల గతంలో విడుదలైన యాంటోబాడీలు విడుదల అయి ఇన్ఫెక్షన్ పెరగకుండా చూస్తాయి.
ఇది దీని వెనుక ఉన్న సూత్రం. కాబట్టి విదేశీ వ్యాఖ్యల గురించి ఎటువంటి భయం పెట్టుకోవాల్సిన అవసరం లేదు. మన దేశం లో తయారైన కోవిషీల్డ్, కోవాక్సిన్ లలో కూడా అటూ ఇటు గా ఇదే ఫార్ములాని వాడుతున్నారు.