Credit Card: బ్యాంకు క్రెడిట్ కార్డులు అనేవి రెండు వైపులా పదునున్న కత్తుల్లాంటివి. వీటిని సరిగ్గా ఉపయోగించుకోవడం రాకపోతే లాభాల మాట అటుంచితే.. నష్టాల్లోకి కూరుకుపోయే ప్రమాదం ఉంది. చాలా బ్యాంకులు క్రెడిట్ కార్డుపై అనేక ఛార్జీలు వడ్డీస్తుంటాయి. ఓవర్ లిమిట్ పీరియడ్, అడ్వాన్సు ట్రాన్సాక్షన్లు, లేట్ పేమెంట్ ఛార్జీలు.. ఇలా రకరకాల ఛార్జీలు ఉంటాయి. అయితే వీటిని ముందస్తుగానే తెలుసుకొని క్రెడిట్ కార్డులను తీసుకోవాల్సి ఉంటుంది. లేదంటే చాలా నష్టపోవాల్సి ఉంటుంది. తాజాగా ఒక బ్యాంకు ఆలస్య రుసుముతో పాటు క్యాష్ అడ్వాన్స్ ట్రాన్సాక్షన్ ఛార్జీలను సవరించింది. ఆ బ్యాంక్ ఏంటో కొత్త ఛార్జీలు ఏవో తెలుసుకుంటే..
Credit Card: ఐసీఐసీఐ బ్యాంక్
ప్రముఖ ప్రైవేటు రంగ బ్యాంకు ఐసీఐసీఐ (ICICI) తాజాగా తన క్రెడిట్ కార్డులపై ఛార్జీలను సవరించింది. ఈ కొత్త ఛార్జీలు ఫిబ్రవరి 10 నుంచి అమలులోకి వస్తాయని తెలిపింది. ఆలస్య రుసుములో సవరణలు చేయడంతోపాటు క్యాష్ అడ్వాన్స్ ట్రాన్సాక్షన్లపై 2.5 శాతం ఫీజును వసూలు చేస్తామని ఐసీఐసీఐ బ్యాంకు తెలిపింది. ఈ క్యాష్ అడ్వాన్స్ ఫీజు (Cash Advance Fee) ఇకపై కనీసం రూ.500 ఉండనుంది.
రూ.1200 లేట్ పేమెంట్ ఫైన్
ఐసీఐసీఐ బ్యాంకు క్రెడిట్ కార్డుదారులు ఫిబ్రవరి 10 తర్వాత రూ.100 క్రెడిట్ కార్డు బ్యాలెన్స్ కలిగి ఉన్నట్లయితే ఎలాంటి ఫీజు చెల్లించాల్సిన అవసరం ఉండదు. కానీ క్రెడిట్ కార్డుపై రూ.100 – రూ.500 మధ్య అప్పు ఉంటే రూ.100 లేట్ పేమెంట్ ఛార్జ్ చెల్లించాలి. రూ.501 నుంచి రూ.1000 వరకు రూ.500… రూ.10,000 వరకు రూ.750… రూ.25 వేల వరకు రూ.900… రూ.50 వేల వరకు రూ.1000.. ఆపై ఉన్న డెబ్ట్ పై రూ.1200 ఛార్జీ పడుతుంది.
ఇంకో నెల రోజుల్లో సరికొత్త ఛార్జీలు అనేవి అమల్లోకి వస్తాయి కాబట్టి ఐసీఐసీఐ బ్యాంక్ క్రెడిట్ కార్డుదారులందరూ కూడా ఎక్కువ అప్పు లేకుండా జాగ్రత్త పడటం ముఖ్యం. అలాగే క్యాష్ అడ్వాన్స్ ఫీజును దృష్టిలో పెట్టుకొని నగదు విత్ డ్రా చేసుకోవాల్సి ఉంటుంది.