18.7 C
Hyderabad
January 29, 2023
NewsOrbit
జాతీయం ట్రెండింగ్ న్యూస్

టీమిండియా క్రికెటర్ రిషబ్ పంత్ కు తప్పిన పెను ప్రమాదం.. మంటల్లో కారు దగ్దం.. గాయాలతో బయటపడ్డ రిషబ్..సీసీ టీవీ విజ్యువల్ ఇదిగో

Share

టీమిండియా క్రికెటర్ రిషబ్ పంత్ రోడ్డు ప్రమాదానికి గురైయ్యారు. ఢిల్లీ నుండి ఉత్తరాఖండ్ లోని రూర్కీ వెళుతుండగా కారు ప్రమాదానికి గురైంది. పంత్ ప్రయాణిస్తున్న కారు అదుపుతప్పి ఢిల్లీ – డెహ్రాడూన్ జాతీయ రహదారిపై హరిద్వార్ జిల్లాలోని మంగళూర్ – నర్సన్ మధ్య డివైడర్ కు ఢీకొట్టింది. ప్రమాదానికి గురైన వెంటనే కారు నుండి రిషబ్ బయటకు దూకేయ్యడంతో తీవ్ర గాయాలు అయ్యాయి. ఆయనను ముందుగా రుర్కీ అసుపత్రిలో ప్రధమ చికిత్స అనంతరం మెగురైన వైద్యం కోసం డెహ్రాడూన్ లోని మ్యాక్స్ ఆసుపత్రికి తరలించారు.

Cricketer rishabh pant hospitalised with serious injuries after car accident near Haridwar

 

ఈ ప్రమాదంలో రిష్ పంత్ వీపు, నుదురు, కాలుపై గాయాలు అయ్యాయని హరిద్వార్ రూరల్ ఎస్పీ తెలిపారు. ఈ ప్రమాదం కారణంగా మంటలు వ్యాపించి కారు పూర్తిగా దగ్ధమైంది. డెహ్రాడూన్ ఆసుపత్రిలో పంత్ కు వైద్య పరీక్షలు నిర్వహిస్తున్న వైద్యులు ఆయన ఆరోగ్య పరిస్థితి నిలకడగానే ఉన్నట్లు తెలిపారు. పూర్తి పరీక్షలు నిర్వహించిన తర్వాత హెల్త్ బులిటెన్ విడుదల చేస్తామని వెల్లడించారు.

Cricketer rishabh pant

ఈ రోడ్డు ప్రమాదంపై ఉత్తరాఖండ్ ముఖ్యమంత్రి పుష్కర్ సింగ్ ధామీ ట్విట్టర్ వేదికగా స్పందించారు. క్రికెటర్ రిషబ్ పంత్ త్వరగా కోలుకోవాలని ప్రార్ధిస్తున్నట్లు తెలిపారు. గాయపడిన రిషబ్ పంత్ కు చికిత్సకు అవసరమైన అన్ని ఏర్పాట్లు చేయాలని అధికారులను ఆదేశించారు. రిషబ్ పంత్ త్వరగా కోలుకోవాలని బీసీసీఐ ప్రెసిడెంట్ రాజీవ్ శుక్లా, సెక్రటరీ జై షా సహా పలువురు క్రీడాకారులు, క్రీడాభిమానులు ఆకాంక్షిస్తూ ట్వీట్ చేస్తున్నారు.

Cricketer rishabh pant

 

రిషబ్ పంత్ ఇటీవల బంగ్లాాతో జరిగిన టెస్ట్ సిరీస్ లో ఆడారు. వచ్చే నెల లో శ్రీలంకతో జరగనున్న టీ 20 సిరీస్ టీమ్ కు పంత్ ఎంపిక కాలేదు.ఇక క్రిస్మస్ వేడుకలను పంత్ .. మాజీ కెప్టెన్ ధోనితో కలిసి దుబాయ్ లో జరుపుకున్నారు. న్యూఇయర్ వేడుకలను కుటుంబ సభ్యులతో జరుపుకునేందుకు వెళుతుండగా ఈ ప్రమాదం జరిగిందని భావిస్తున్నారు. అయితే రోడ్డు ప్రమాదానికి కారణాలు తెలియరాలేదు. పోలీసులు కేసు నమోదు చేసి దర్యాప్తు చేస్తున్నారు. అక్కడి సీసీ టీవీ విజ్యువల్స్ ను పోలీసులు పరిశీలించారు. వేగంగా వస్తున్న కారు అదుపుతప్పి డివైడర్ కు ఢీకొట్టినట్లుగా రికార్డు అయ్యింది. ఈ ప్రమాదానికి సంబంధించిన సీసీ టీవీ వీడియో సోషల్ మీడియాలో వైరల్ అయ్యింది.


Share

Related posts

KCR: కేంద్రంపై కేసిఆర్ సీరియస్ కామెంట్స్ …! ఇక ఊరుకునేది లేదంటూ హెచ్చరిక..!!

somaraju sharma

ఉద్యోగస్తులకు తీపి కబురు చెప్పిన కేంద్ర ప్రభుత్వం..!!

sekhar

తెలంగాణలో పరీక్షలు అన్నీ వాయిదా..!!

Special Bureau