Dubai: ఓరోజు దుబాయ్ లోని ఓ మహిళ ఫోన్ కు ఓ మెసేజ్ వచ్చింది. తన క్రిడిట్ కార్డు ట్రాన్సాక్షన్ గురించి మెసేజ్ రావడంతో ఆమె షాక్ కు గురయ్యింది. తన క్రెడిట్ కార్డు ట్రాన్సాక్షన్ గురించి మెసేజ్ రావడం ఏంటి? తన బ్యాగ్ లోనే ఉండాలి కదా అని చెక్ చేసుకోగా అందులో లేదు. అయితే అది ఎక్కడో పోయి ఉంటుందని భావించి వెంటనే తన క్రెడిట్ కార్డును బ్లాక్ చేయాలని కోరిందట. అంతేకాకుండా ఆమె పోలీసులను ఆశ్రయించి తన క్రెడిట్ కార్డు పోయిందని ఫిర్యాదు చేసింది. వారు కేసు నమోదు చేసుకుని ఆ క్రెడిట్ కార్డు ట్రాన్సాక్షన్లను ట్రాక్ చెయ్యగా నిజం బయటకు వచ్చింది.
పోలీసుల విచారణలో ఆ క్రెడిట్ కార్డు ఓ మహిళ వాడుతుందని తేలిందట. ఆమెకు పోలీసులు ‘మీరు క్రెడిట్ కార్డు దొంగతనం చేసి.. వాడుతున్నారు.’ అంటూ నోటీసులు పంపించారట. దీంతో ఆ యువతి షాక్కి గురయ్యింది. ‘నేను ఆమె క్రెడిట్ కార్డు ను దొంగతనం చెయ్యడం ఏంటి? ఇది నాకు నా బాయ్ ఫ్రెండ్ ఇచ్చాడు. ఇది అతనిదే,’ అంటూ ఆమె పోలీసులకు వివరించింది.
ఇక్కడ ట్విస్ట్ ఏమిటంటే, ఆ క్రెడిట్ కార్డును ఆ యువతి దొంగతనం చేయలేదు సరికదా ఆ కార్డు ని ఆమె బాయ్ ఫ్రెండ్ అంటే కార్డు పోగొట్టుకున్న ఆమె భర్త తీసుకొచ్చి ఈ యువతికి ఇచ్చాడట. ఇక ప్రియరాలేమో ఆ క్రెడిట్ కార్డు తో ట్రాఫిక్ చలాన్లు కట్టింది. ఈ సందర్భంలో ఆమె మాట్లాడుతూ అసలు తన బాయ్ ఫ్రెండ్ కు పెళ్ళి అయ్యిందన్న విషయం తనకు తెలియదాని ఆమె చెప్పింది. ఈ క్రెడిట్ కార్డు అతనిది అనుకున్నా కానీ అతడి భార్యదని నాకు తెలియదు అని చప్పింది. దీనితో విషయం మొత్తం బయటపడింది. మొత్తం తెలుసుకున్న అతడి భార్య తన భర్తకు గర్ల్ ఫ్రెండ్ ఉందని తనకు ఎప్పుడు అనుమానం రాకుండానే ఇంత కాలం అతను నటించాడని చెప్పింది.