ప్రజాధనాన్ని అప్పడంలా నమిలేస్తున్న ముఖ్యమంత్రి వైఎస్ జగన్మోహన్ సలహాదారు సీనియర్ జర్నలిస్టు దేవులపల్లి అమర్ వ్యవహారశైలిపై తీవ్ర స్థాయిలో విమర్శలు వస్తున్నాయి.
ఆయనకు పనేమీ ఉండదు. పేరుకు సలహాదారు.నెలకు దాదాపు నాలుగు లక్షల రూపాయల వరకు ఆయనకు ముడుతోంది.ఆయన చేసేది మహా అయితే అప్పుడప్పుడు పత్రికా ప్రకటనలు విడుదల చేస్తుంటారు. అది కూడా ఆంధ్రప్రదేశ్ ప్రభుత్వానికి ఇబ్బంది వచ్చిన సందర్భంలో మాత్రమే అమర్ స్పందించి వివరణ తరహా లో వెటకారం తో కూడిన ప్రకటనలు జారీ చేస్తారు.ఆయన చేసేదేమీ లేక పోయినా ఎవరైనా ఏం చేస్తున్నావని ప్రశ్నిస్తే ఎదురుదాడి మాత్రం చేస్తాడు.సిఎం జగన్ సలహాదారుల్లో ఒకరైన సీనియర్ జర్నలిస్టు రామచంద్రమూర్తి రాజీనామా చేసిన నేపథ్యంలో సిపిఐ రామకృష్ణ అందరూ సలహాదారుల గురించి ప్రస్తావిస్తూ వారంతా ఐరావతాలు అని,తెల్ల ఏనుగులని విమర్శించిన నేపథ్యంలో మిగతా వారికి ఏమీ బాధ కలగలేదు కానీ అమర్ కి మాత్రం పొడుచుకు వచ్చింది.
ఆయన ఈ సందర్భంగా కమ్యూనిస్టు పార్టీలను వెటకారం చేస్తూ వివరణిచ్చారు .వాళ్లకు ఓట్లు సీట్లు ఉండవు గానీ నోరు ఉందని విమర్శలు మాత్రం చేస్తుంటారని అమర్ ఎద్దేవా చేశారు. సలహాదారులు ప్రభుత్వానికి సలహాలు ఇస్తూనేఉంటారని అయితే అవి వీధి ప్రదర్శనలు లేదా నాటకాల రూపంలో ఉండవని అమర్ కమ్యూనిస్టులను ఎగతాళి చేశారు.అయితే అమర్ ప్రకటన ను జర్నలిస్టు సంఘాలే కౌంటర్ చేస్తున్నాయి.దేవులపల్లి అమర్ సిఎం జగన్ చెవిలో ఎవరికీ వినిపించకుండా కనిపించకుండా సలహాలిస్తూ వస్తున్నారా అని వారు సెటైర్ వేశారు!ప్రభుత్వ వైఫల్యాలను ఎత్తిచూపుతూ ప్రజాధనం దుర్వినియోగమైతే నిలదీసి అడగడం ప్రతిపక్షాల పాత్ర అనడంలో ఏ సందేహమూ లేదు.
అదే పని సిపిఐ రామకృష్ణ చేస్తే అసలు విషయాన్ని మరుగునపరిచి అమర్ కమ్యూనిస్టులపై ఒంటికాలిపై లేచారు.నెలకు నాలుగు లక్షల రూపాయలు అమర్ జీతభత్యాలు పొందడం లేదా? ఇందుకు ఆయన జేస్తున్న పనేమిటని జర్నలిస్టు సంఘాలే ప్రశ్నిస్తున్నాయి!అసలు తెలంగాణకు చెందిన అమర్ కి నెలకు అంత జీతం ఇవ్వడం ఏపీ సీఎం జగన్ చేసిన పెద్ద తప్పిదం అన్న కామెంట్స్ వస్తున్నాయి!తెలంగాణ ఉద్యమంలో అమర్ ఆంధ్రుల్ని నానా విధాలుగా కించ పరిచారు.ఆయన సోదరులు నడిపే ప్రజాతంత్ర వారపత్రికను తెలంగాణ ఉద్యమానికి అంకితం చేశారు.
అలాంటి వ్యక్తికి ఆంధ్రప్రదేశ్ ప్రజల సొమ్మును జగన్ జీతభత్యాలుగా ఇవ్వడం ఏమిటంటునారు!ఇన్ని సుద్దులు చెప్పే అమర్ ప్రజాతంత్ర లో పనిచేసిన జర్నలిస్టులకు జీతాలు కూడా ఎగ్గొట్టిన సందర్భాలు ఉన్నాయి.ఎదుటి వారికి మాత్రం శ్రీరంగ నీతులు చెప్పే అమర్ తాను మాత్రం ఏవీ పాటించడు!నాటి చంద్రబాబు మొదలు నేటి జగన్ వరకు ఆయన అందరు సిఎంలను మెప్పించి ఒప్పించి తన పబ్బం గడుపుకుంటున్న విషయం అందరూ చూస్తూనే ఉన్నారు! ఇక ఆయన గురించి ప్రత్యేకంగా చెప్పాల్సిందేమీ ఉంటుంది!
