Sandwich: శాండ్విచ్ ఈ పేరు వినగానే కొంతమంది నోట్లో నీళ్లురతాయి.. ఇది హెల్తీ బ్రేక్ ఫాస్ట్ లేదా స్నాక్ గా చెప్పుకోవచ్చు.. సాండ్విచ్ లో చాలా రకాలు ఉన్నాయి.. ఈరోజు పెరుగు శాండ్విచ్ ఎలా తయారు చేసుకోవాలో చూద్దాం.. ఇది తయారు చేసుకోవడం చాలా సింపుల్ స్నాక్.. పైగా హెల్దీ కూడా..!!
పెరుగు శాండ్విచ్ తయారీకి కావాల్సిన పదార్థాలు..!
బ్రెడ్ స్లైసులు నాలుగు, సన్నగా తరిగిన క్యారెట్ ఒకటి, ఉడికించిన స్వీట్ కార్న్ పావు కప్పు, సన్నగా తరిగిన క్యాబేజ్ పావు కప్పు మిరియాలు పొడి ఒక చెంచా సన్నగా తరిగిన క్యాప్సికం పావు కప్పు, పంచదార ఒక చెంచా, పెరుగు రెండు కప్పులు..
ముందుగా రెండు కప్పుల గడ్డ పెరుగు తీసుకోవాలి. ఈ పెరుగును ఒక క్లాత్ లో వేసి నీరంతా పోయేవరకు ఉంచి.. ఆ క్లాత్ ని గట్టిగా పక్కన చుట్టి రెండు గంటల పాటు అలాగే ఉంచాలి.. పెరుగు లోని నీరంతా పోయిన తర్వాత ఆ క్లాత్ లోని పెరుగు తీసి పక్కన పెట్టుకోవాలి.. ఇప్పుడు ఒక బౌల్ తీసుకొని అందులో పెరుగు ముందుగా ఉడికించి పెట్టుకున్న స్వీట్ కార్న్ , క్యారెట్ తురుము , సన్నగా తరిగిన క్యాప్సికం, క్యాబేజీ తురుము అన్నింటినీ వేసి బాగా కలపాలి. ఇందులోనే ఒక చెంచా పంచదార , చిటికెడు ఉప్పు కొద్దిగా మిరియాల పొడి వేసి బాగా కలుపుకోవాలి..
Ghee: మధ్యాహ్న భోజనం తర్వాత నెయ్యి, బెల్లం తీసుకుంటే ఊహించని ఫలితాలు..
ఇప్పుడు బ్రెడ్ స్లైసెస్ ని తీసుకుని వాటిని నాలుగు చివరలా ఉన్న బ్రౌన్స్ స్లైస్ లను కట్ చేసుకోవాలి. ఇప్పుడు ఒక బ్రెడ్ స్లైస్ తీసుకొని దాని పైన పెరుగు మిశ్రమం రాసి దానిపైన మరో బ్రెడ్ ఉంచాలి.. మళ్ళీ ఇంకొక బ్రెడ్ పైన కూడా పెరుగు మిశ్రమం రాసి దానిపైన మరో బ్రెడ్ ఉంచాలి.. అంతే పెరుగు శాండ్విచ్ తినటానికి రెడీ.. మీరు బ్రెడ్ స్లైస్ లో అలాగే తినడానికి ఇష్టపడక పోతే.. పెనం పైన కొద్దిగా బటర్ వేసుకొని బ్రెడ్ స్లైసులను పోస్ట్ చేసుకొని దానిపైన పెరుగు మిశ్రమం రాసుకోవాలి. ఈ శాండ్విచ్ ను టమాటో కెచప్, గ్రీన్ సాస్ తో తింటే సూపర్ టేస్టీగా ఉంటుంది.
