అసలే ఇది కరోనా కాలం. తినడానికే తిండి దొరకడం లేదు. చేతిలో చిల్లిగవ్వ లేదు. ఎట్టా బతికేది.. అని సగటు మధ్య తరగతి, పేద కుటుంబాలు ఆందోళన చెందుతున్నాయి. ఉన్నోడు అంటే ఎలాగైనా బతికేస్తాడు. కానీ.. లేనోడి పరిస్థితి. రోజూ రెక్కాడితే కానీ… డొక్కాడని వాళ్ల పరిస్థితి.. చాలామంది కూలీల జీవితం నేడు అగమ్యగోచరంగా మారింది. కరోనాతో పనుల్లేక అల్లాడిపోతున్నారు.
ఇప్పుడు మన చదువుకోబోయే ఈ కథనం కూడా ఒక మధ్యతరగతి కుటుంబానికి చెందిందే. పంజాబ్ లోని లుథియానా.
నాన్నా.. నాకు సైకిల్ కావాలి కొనివ్వవా? నా ఫ్రెండ్స్ అంతా సైకిల్ వేసుకొని తిరుగుతుంటే నాకూ తొక్కాలని అనిపిస్తోంది.. అని కొడుకు తండ్రిని అడిగాడు. కానీ.. అసలే కరోనా కాలం. ఇప్పుడు సైకిల్ కొనివ్వడమంటే కష్టం.. అని కొడుకుకు సర్దిచెప్పాడు తండ్రి.
అడగక అడగక కొడుకు సైకిల్ కావాలన్నాడు. అది కూడా కొనివ్వకపోతే నేను ఉండి ఎందుకు వేస్ట్.. అని అనుకున్నాడు ఆ తండ్రి. ఎలాగైనా తన కొడుకుకు ఓ సైకిల్ ఇవ్వాలనుకున్నాడు. అంతే… పాత సామాన్లు వెతికి… సైకిల్ విడిభాగాలు, పాత స్కూటర్ ముందు పార్టులు కలపి కొత్త సైకిల్ ను తయారు చేశాడు. దాని పేరే స్కూసైకిల్. అంటూ స్కూటర్ లా కనిపించే సైకిల్ అన్నమాట. దీన్ని తయారు చేయడానికి కొడుకు కూడా తండ్రికి సహకరించాడు.
మొత్తానికి ఇద్దరూ కలిసి ఒక సరికొత్త సైకిల్ ను తయారు చేశారు. ముందు నుంచి చూస్తే స్కూటర్.. వెనుక నుంచి చూస్తే సైకిల్ అన్నమాట. దీన్ని నడపాలంటే సైకిల్ పెడల్ తొక్కడమే. కానీ.. ఈ స్కూసైకిల్ ను తయారు చేసిన తండ్రీకొడుకులను మాత్రం అక్కడి స్థానికులు అభినందించకుండా ఉండలేకపోతున్నారట. కరోనా కాలంలో భలే ఐడియాలు వస్తున్నాయి ఒక్కొక్కరికి.
#WATCH Ludhiana: A Class 8 student Harmanjot of Lakhoval village, with help from his father, has made a bicycle that looks like a scooter from the front & can be pedalled like a normal cycle.
He says, "Since my father couldn't get me a new cycle during #COVID19, so we made this." pic.twitter.com/f9UDsiv333— ANI (@ANI) August 25, 2020