Shanmukh Jaswanth: బిగ్బిస్ షో ఫేమ్ షణ్ముఖ్ జస్వంత్ తో ప్రేమ బంధానికి దీప్తి సునైనా వీడ్కోలు పలికిన విషయం తెలిసిందే. దీప్తి సునైనా సోషల్ మీడియా వేదికగా జశ్వంత్ కు బ్రేకప్ చెప్పింది. అయితే వీరిద్దరి ప్రేమకు ఎండ్ కార్డ్ పడటం ఎవరూ జీర్ణించుకోలేకపోయారు. ముఖ్యంగా ఈ జంట కుటుంబ సభ్యులు స్నేహితులు తీవ్ర మనస్థాపానికి గురి అవుతున్నారు. ఐదేళ్లపాటు ప్రేమలో ఉండి రేపోమాపో పెళ్లి చేసుకోవాలనుకున్న ఈ ప్రేమ పక్షులు ఇప్పుడు విడిపోవడంతో వాళ్లు మరింత కలత చెందుతున్నారు. కుటుంబ సభ్యులైతే వారిని మళ్లీ ఒకటి చేసేందుకు ప్రయత్నాలు మొదలెట్టారు. స్నేహితులు వారి బంధాన్ని నిలబెట్టేందుకు తమ వంతుగా కృషి చేస్తున్నారు.
Deepthi Sunaina: బ్రేకప్ వ్యవహారంలో బిగ్ ట్విస్ట్
ప్రస్తుతం దీప్తి, షణ్ముఖ్లను ఒకటి చేసేందుకు వారి కుటుంబ సభ్యులు స్నేహితులు నచ్చ చెప్తున్నారు. దీప్తిని కన్విన్స్ చేసేందుకు షణ్ముఖ్ ఫిమేల్ ఫ్రెండ్స్ కూడా ముందుకు వచ్చారని సన్నిహితుల సమాచారం. మళ్లీ దీప్తితో కలవడానికి తాను ఒప్పుకుంటానని షణ్ముఖ్ స్పందిస్తున్నట్లు తెలుస్తోంది. కానీ దీప్తి వద్దనుకున్న తర్వాత మళ్లీ ఆమెను ఎందుకు ఇబ్బంది పెట్టడం అంటూ షణ్ముఖ్ కాస్త మొండిగానే వ్యవహరిస్తున్నట్లు సమాచారం. ఒకవేళ దీప్తి తనంతట తానే మాట్లాడితే వీరి బంధం మళ్లీ ఫెవిక్విక్ అంత స్ట్రాంగ్గా మారవచ్చని చెప్పుకోవచ్చు.
వారు మళ్లీ ఒకటవుతారా
గ్లామర్ ఇండస్ట్రీలో లవ్ పేరుతో కొన్ని రోజులు సహజీవనం చేయడం ఆ తర్వాత విడిపోవడం సర్వసాధారణమని అంటుంటారు. అయితే ఆ కోవలోకి రాకూడదని దీప్తి మొదటి నుంచి షణ్ముఖ్తో మంచి ప్రేమ బంధాన్ని ఏర్పరచుకొని ప్రయత్నించింది. కానీ వందరోజుల కాలం ఆమె ప్రపంచాన్ని తలకిందులు చేసింది. ఇప్పటికైనా పెద్ద మనసు చేసుకొని షణ్ముఖ్ చేసిన తప్పులను మరణిస్తే వారి బంధం మళ్లీ పునరుద్ధరించవచ్చు. దీప్తి పైనే వీరి ప్రేమ భవిష్యత్తు ఆధారపడి ఉందని తెలుస్తోంది. మరి కుటుంబ సభ్యుల బతిమిలాడితే వీరు కలవచ్చు. ఈ వ్యవహారంలో బిగ్గెస్ట్ ట్విస్ట్ వెలుగు చూస్తుందో తెలియాలంటే కొద్ది రోజులు వేచి చూడాల్సిందే.