Deepti Sunaina : యూట్యూబర్ షణ్ముఖ్ జస్వంత్ గృహ ప్రవేశం చేసాడు. అవును.. యూట్యూబ్ వీడియోలతో మొదలై బిగ్ బాస్ హౌస్ లోకి అడుగుపెట్టిన షణ్ముఖ్ ని మెచ్చుకోకుండా ఉండలేం. మొదట కవర్ సాంగ్స్, తరువాత షార్ట్ ఫిలిమ్స్, ఆ తరువాత వెబ్ సిరీస్ అంటూ చేసిన సూర్య, సాఫ్ట్వేర్ డెవలపర్ వంటి సిరీస్ షన్నుకి మంచి పేరు ప్రఖ్యాతలు తీసుకొచ్చాయి. ఆ పేరే తాను బిగ్ బాస్ హౌస్ లోకి వెళ్లే ఛాన్స్ తీసుకొచ్చింది. కానీ అదే బిగ్ బాస్ షో వలన షన్ను కొన్ని అపవాదులు మోయక తప్పలేదు. నిప్పులేనిదే పొగ రాదు అన్న మాదిరి, ఇందులో షన్ను తప్పు కూడా లేదని అనలేం.
Deepti Sunaina : షన్ను పక్కన వున్నది ఆమెనే..
గృహ ప్రవేశం సందర్భంగా షన్ను పోస్ట్ చేసిన ఫొటోస్ సోషల్ మీడియాలో వైరల్ అవుతున్నాయి. ఇక షన్ను పక్కన వున్నది మరెవరో కాదు, చాయ్ బిస్కెట్ ఫేం శ్రీవిద్య. ఆమెతో కలిసి కలిసి కొత్త ఇంట్లో దిగిన ఫోటోలు సోషల్ మీడియాలో షేర్ చేశాడు షన్ను. బిగ్‌బాస్ సీజన్ 5లోకి ఎంట్రీ ఇచ్చిన షన్ను, ఓ టైములో విన్నర్ అయ్యే స్థాయికి చేరుకున్నప్పటికీ, లాస్ట్ కి రన్నరప్‌గా మిగిలాడు. ఈ క్రమంలో హౌస్‌లో సిరితో షన్ను సాగించిన అతి స్నేహమే షన్ను కొంప ముంచింది. ఆఖరికి ఆ కారణమే తన లవర్ అయినటువంటి దీప్తి సునయన తనకి బ్రేకప్ చెప్పేలా ప్రేరేపించింది.
నెటిజన్ల శుభాకాంక్షలు ఇవే…
ఇకపోతే కొత్త ఇంట్లోకి ప్రవేశించిన షణ్నూకి అభిమానులు, నెటిజన్లనుండి శుభాకాంక్షలు వెల్లువెత్తుతున్నాయి. తాజాగా ప్రేమికుల దినోత్సవం సందర్భంగా ఓ టీవీ ఛానెల్‌ నిర్వహించిన ప్రత్యేక కార్యెక్రమంలో షన్ను పాల్గొని లవ్‌ బ్రేకప్‌కు సంబంధించిన సాంగ్ ఆర్య-2 సినిమాలోని ‘మై లవ్‌ ఈజ్‌ గాన్‌’ అనే పాటకు స్టెప్పులేశాడు. ప్రస్తుతం షన్ను దీప్తి జ్ఞాపకాలనుండి బయటకు వచ్చే ప్రయత్నం చేస్తున్నట్టు కనబడుతోంది.
