సినిమా ఆఫర్ గురించి స్పందించిన దేత్తడి హారిక..!!

బిగ్ బాస్ హౌస్ లో దాదాపు ఏడు సార్లు కెప్టెన్సీకి పోటీపడి ఎనిమిదోసారి కెప్టెన్ అయ్యింది దేత్తడి హారిక. హౌస్ లో లేడీస్ లో ఫిజికల్ టాస్క్ విషయంలో గాని ఎంటర్టైన్మెంట్ చేయటంలో గాని తనకు తిరుగు లేదు అన్నట్టు హారిక అద్భుతమైన గేమ్ ప్రదర్శించేది. అంత మాత్రమే కాక హౌస్ లో టైటిల్ విన్నర్ అభిజిత్ తో చాలా క్లోజ్ గా ఉంటూ… హౌస్ కి స్పెషల్ అట్రాక్షన్ తీసుకొచ్చింది.

ఎవరు ఊహించని విధంగా టాప్ ఫైవ్ లో చేరుకొని గ్రాండ్ ఫినాలే వరకు బాగా కష్టపడి రాణించింది. హౌస్ లో దాదాపు 105 రోజులు ఉన్నా హారిక రోజుకి 40 వేల చొప్పున దాదాపు సీజన్ ఫోర్ కి 40 లక్షలు పారితోషకం అందుకున్నట్లు తెలుస్తోంది. ఇదే తరుణంలో మంచి పాపులారిటీ సాధించడంతో ప్రస్తుతం బయటకొచ్చిన హారికా కి ఇండస్ట్రీ నుండి అనేక ఆఫర్లు వస్తున్నట్లు టాక్ వస్తోంది.

సినిమా అవకాశాలు అంటూ సోషల్ మీడియాలో తనపై వస్తున్న వార్తలకు తన యూట్యూబ్ చానల్ లో క్లారిటీ ఇచ్చింది హారిక. ప్రస్తుతం తెలుగులో శర్వానంద్ హీరోగా చేస్తున్న సినిమాలో ఛాన్స్ వచ్చినట్లు.. కొద్ది భాగం షూటింగ్ ఈ ప్రాజెక్టులో ఉన్నట్లు హారిక తెలిపింది.