బిగ్ బాస్, గొర్రెలు ఈ రెండూ పక్కపక్కన పెడితే మనకు వెంటనే ఒకటే పేరు గుర్తొస్తుంది. అదే కౌశల్. బిగ్ బాస్ సీజన్ 2 లో కౌశల్ ప్రస్థానం గురించి ప్రత్యేకంగా చెప్పాల్సిన పనిలేదు. ఒక పక్కా ప్రణాళికతో బిగ్ బాస్ హౌస్ లోకి అడుగు పెట్టిన కౌశల్ నెమ్మదిగా తనను కార్నర్ చేస్తున్నారని, అందరూ ఒక్కటయ్యి తనను సైడ్ చేస్తున్నారని ప్రచారం చేసుకున్నాడు.
అందరినీ పక్కా ప్లానింగ్ తో దారుణమైన ఫూల్స్ చేసాడు. కౌశల్ బిగ్ బాస్ హౌస్ లో ఉన్నప్పుడు ర్యాలీలు చేయడం సర్వ సాధారణం. కౌశల్ ఆర్మీ అన్నది ఒకటి పెట్టి చేసిన హడావిడి ఎవరూ అంత త్వరగా మర్చిపోలేరు. ఇక జనాలు కౌశల్ మాయలో పడి వరసగా ఓట్లు గుద్ది పడేసారు. కౌశల్ ను విన్నర్ ను చేసారు. బిగ్ బాస్ ను గెలవడానికి ఇదో దారి అని మిగతా సీజన్ లో వచ్చే కంటెస్టెంట్స్ భావిస్తున్నారు.
ముఖ్యంగా ఈ సీజన్ లో కొంత మంది కంటెస్టెంట్స్ ఆ భావన కలిగించేలా ప్రవర్తిస్తున్నారు. దేవి నాగవల్లి తనకేదో అన్యాయం జరిగిపోయిందని, తనను అందరూ దూరం పెట్టేస్తున్నారని గోల గోల చేసింది. నాగార్జున ముందు కూడా తన ఆవేదన వెళ్లగక్కింది. దేవి ఆటతీరు చూస్తుంటే మక్కీకి మక్కీ కౌశల్ ఆటతీరు లానే ఉంది.
ఇక బిగ్ బాస్ 3 లో రాహుల్ సిప్లిగంజ్ గేమ్ ప్లాన్ ను కూడా ఈ సీజన్ లో అమలు చేస్తున్నారు. రాహుల్ సిప్లిగంజ్ తన ఫుటేజ్ బిగ్ బాస్ లో ఉండాలంటే రిలేషన్స్ పెట్టుకోవడమే సరైనదని భావించినట్లుగా ఆడాడు. పునర్నవితో పెద్ద లవ్ ట్రాక్ నడిపాడు రాహుల్. అది అతనికి చాలా ప్లస్ అయింది. ఈ సీజన్ లో అభిజీత్, అఖిల్ ఇదే స్ట్రాటజీ ఫాలో అవుతున్నట్లుగా అర్ధమవుతోంది. మరి చూడాలి ఎవరి స్ట్రాటజీలు వర్కౌట్ అయ్యి ఎవరు ఈ సీజన్ విన్నర్ గా నిలుస్తారో.
