Dhanush : కోలీవుడ్ స్టార్ హీరో ధనుష్ ఆ మధ్య దర్శకుడిగాను మారిన సంగతి తెలిసిందే. ఆయన ఓ వైపు స్టార్ హీరోగా భారీ ప్రాజెక్ట్స్‌లో నటిస్తున్నాడు. అలాగే పాన్ ఇండియన్ సినిమాలు కమిటవుతున్నాడు. ఇప్పటికే బాలీవుడ్ సినిమాలో నటించిన ధనుష్ అక్కడ కూడా హీరోగా తనకంటూ ఓ ప్రత్యేకమైన మార్కెట్‌ని ఏర్పరచుకున్నాడు. హాలీవుడ్ మూవీలో కూడా నటించనున్నాడు. ఇక రీసెంట్ గా టాలీవుడ్ స్టార్ డైరెక్టర్ శేఖర్ కమ్ముల దర్శకత్వంలో ఓ పాన్ ఇండియన్ సినిమాలో నటించడానికి సైన్ చేశాడు. ఈ సినిమా మూడు భాషల్లో తెరకెక్కబోతోంది.
దాదాపు 200 కోట్ల భారీ బడ్జెట్‌తో కొత్తగా నిర్మాణ రంగంలోకి అడుగుపెట్టిన ఏషియన్ డిస్ట్రిబ్యూటర్స్ దీనిని ఎంతో ప్రతిష్టాత్మకంగా నిర్మించబోతున్నారు. ఈ సినిమాతో పాటు కోలీవుడ్‌లో కూడా ఈ యంగ్ హీరో క్రేజీ ప్రాజెక్ట్స్ కమిటయ్యాడు. ఈ సినిమాలను పూర్తి చేయడానికి ఓ మూడేళ్ళు పడుతుంది. వరుస సినిమాలతో ఇంత బిజీగా ఉన్న ధనుష్ ..తన రెండవ సినిమా దర్శకత్వానికి సన్నాహాలు చేసుకుంటున్నాడు. ఈ విషయాన్ని స్వయంగా ధనుష్ రీసెంట్‌గా ప్రకటించాడు కూడా.
Dhanush : ధనుష్ దర్శకత్వంలో రజనీకాంత్ 170వ సినిమా
అయితే ఆ సినిమా తన మామ కోలీవుడ్ సూపర్ స్టార్ రజనీకాంత్‌తో చేయబోతున్నాడని లేటెస్ట్ న్యూస్ ఒకటి సోషల్ మీడియాలో వైరల్ అవుతోంది. ప్రస్తుతం రజనీకాంత్ నటుస్తున్న అన్నాత్తే ఆయన కెరీర్‌లో 168వ సినిమా. 169 వ సినిమాను దేషింగ్ పెరియసామి దర్శకత్వంలో చేయనున్నారు. ఇప్పటికే దీనికి సంబంధించిన ప్రీ ప్రొడక్షన్స్ వర్క్ కూడా మొదలైనట్టు సమాచారం. ఈ సినిమా కాకుండా ఆయన 170వ సినిమాను ధనుష్ దర్శకత్వంలో చేయనున్నారట. భారీ బడ్జెట్‌తో పాన్ ఇండియన్ సినిమాగా ధనుష్ దీనిని తెరకెక్కించనుండగా రజనీకాంత్ కుమార్తెలు ఐశ్వర్య, సౌందర్య నిర్మించనున్నారట. ఇవి కాకుండా చంద్రముఖి 2 కూడా రజనీ చేయాల్సి ఉంది.
Bigg Boss Ashwini: రాత్రి 4 అయినా నిద్ర పట్టడం లేదు… బోల్డ్ కామెంట్స్ చేసిన బిగ్ బాస్ అశ్విని..!