గ్రేటర్ ఎన్నికల నేపథ్యంలో బిజెపి పార్టీ తరఫున జనసేన అధినేత పవన్ కళ్యాణ్ ప్రచారానికి వస్తారని మొన్నటి దాక వార్తలు తెలుగు రాజకీయాల్లో వైరల్ అయ్యాయి. అయితే తాజాగా గ్రేటర్ ఎన్నికల ప్రచారం ఆగిపోవడంతో పవన్ కళ్యాణ్ రాకపోవడంపై రకరకాల విశ్లేషణలు వినబడుతున్నాయి. అయితే ఎక్కువగా వినబడుతున్న టాక్ ఏమిటంటే, ఏ మాత్రం గ్రేటర్ ఎన్నికల ప్రచారంలో బిజెపి పార్టీ తరపున పవన్ రంగంలోకి దిగి ఉంటే ఖచ్చితంగా కేసీఆర్ ప్రాంతీయ వాదాన్ని లేవనెత్తి బిజెపికి చాలా డామేజ్ చేసే వారిని చెప్పుకొస్తున్నారు.
గతంలో జరిగిన సార్వత్రిక ఎన్నికలలో టీ కాంగ్రెస్ పార్టీతో చంద్రబాబు పొత్తు పెట్టుకోవటం తో… ఆంధ్ర వాళ్ళ పార్టీతో చేతులు కలిపి కాంగ్రెస్ తెలంగాణ ప్రజలను మోసం చేస్తున్నట్లు అప్పట్లో కేసిఆర్ కామెంట్లు చేయడం జరిగింది. దీంతో ఇప్పుడు ఏ మాత్రం పవన్ ని గ్రేటర్ ఎన్నికల ప్రచారంలో పార్టీ తరఫున దింపితే కచ్చితంగా కేసీఆర్ ప్రాంతీయ వాదాన్ని లేవనెత్తి పొలిటికల్ మైలేజ్ సంపాదించుకోవటం గ్యారెంటీ అని కమలనాథులు ఆలోచించి పవన్ చేత ప్రచారం చేయించకుండా లాస్ట్ మినిట్ లో ఆపించినట్లు వార్తలు వస్తున్నాయి.
ఏది ఏమైనా గ్రేటర్ ఎన్నికల ప్రచారంలో మాత్రం టిఆర్ఎస్ పార్టీ నేతలకు ఏ విధంగా చాన్స్ ఇవ్వకుండా బిజెపి నేతలు అన్ని విషయాల్లో చాలా పకడ్బందీ ప్రణాళికతో ముందుకు సాగినట్లు తెలుస్తోంది. ఇదిలా ఉంటే గ్రేటర్ ఎన్నికల విషయంలో పోటీ అంటూ పెద్ద పెద్ద డైలాగులు వేసిన పవన్ తర్వాత బిజెపి నేతలతో సమావేశం అయిన తర్వాత డ్రాప్ కావడం పట్ల భారీ స్థాయిలో కేడర్ నుండి విమర్శలు వస్తున్నట్లు వినికిడి.