Vishwak Sen: నిన్నటినుండి టాలీవుడ్ వర్ధమాన నటుడు అయినటువంటి విశ్వక్ సేన్ కి మరియు టీవీ9 ఛానల్ కి మధ్య కోల్డ్ వార్ నడుస్తోంది. ఈరోజుకి అది సద్దుమణిగేలా కనబడటం లేదు. విషయం అందరికీ విదితమే. ‘అశోక వనంలో అర్జున కళ్యాణం’ మూవీ ప్రమోషన్స్ లో భాగంగా చేసిన ఓ ఫ్రాంక్ వీడియో వలన హీరో విశ్వక్ సేన్ పలు విమర్శల పాలయ్యాడు. అయితే దీనిపైన భిన్న వాదనలు వినిపిస్తున్నాయి. కొంతమంది విశ్వక్ సేన్ కి సపోర్ట్ చేస్తే, మరికొంతమంది మాత్రం టీవీ9 ఛానల్ వారే అతిచేశారంటూ కామెంట్లు చేస్తున్నారు. ఈ కార్యక్రమంలో ఈ న్యూస్ ఛానల్ లో విశ్వక్ సేన్ ను ‘పాగల్ సేన్’ అని పిలుస్తారని.. అతనొక ‘డిప్రెస్డ్ మ్యాన్’ అని యాంకర్ దేవీ అనడం పై విశ్వక్ సేన్ అభ్యంతరం వ్యక్తం చేశారు.
- Read the latest news from NEWSORBIT
- Follow us on facebook , Twitter , instagram and Googlenews
Vishwak Sen: ఇదీ సంగతి
ఈ సందర్భంగా నోటిని అదుపులో పెట్టుకొని మాట్లాడాలని హీరో విశ్వక్ ఆగ్రహం వ్యక్తం చేశారు. దీంతో ‘గెట్ అవుట్ ఆఫ్ మై స్టుడియో’ అంటూ గట్టిగా అరిచింది దేవి. అంతేకాకుండా విశ్వక్ బయటకు వస్తున్న సమయంలో ‘వెధవ.. నోరుమూసుకుని ఇక్కడి నుంచి వెళ్ళిపో’ అంటూ దేవి అనడం సదరు వీడియోలో గమనించవచ్చు. ఈ ఇష్యూలో నెటిజన్లు టీవీ9 యాంకర్ ప్రవర్తించిన తీరుపై విమర్శలు చేసారు. హీరో వ్యవహార శైలి ఎలా ఉన్నా.. అతన్ని స్టూడియోకి పిలిచి ఇలా అవమానించడం జర్నలిజం అనిపించుకుంటుందా అని ప్రశ్నిస్తున్నారు.
- Read the latest news from NEWSORBIT
- Follow us on facebook , Twitter , instagram and Googlenews
పరువు నష్టం దావా?
ఈ నేపథ్యంలో తనను వ్యక్తిగతంగా కించపరిచే విధంగా మాట్లాడినందుకు టీవీ9 యాంకర్ దేవి పై పరువు నష్టం దావా వేయాలని విశ్వక్ సేన్ అనడం మనం చూసాం. అయితే ఇపుడు విశ్వక్ సేన్ ఆ దిశగా అడుగులు వేస్తున్నట్టు గుసగుసలు వినిపిస్తున్నాయి. ఆమె పై పరువు నష్టం కేసు ఫైల్ చేయడానికి ఇప్పటికే అతని లీగల్ టీమ్ రెడీ అయినట్లు వార్తలు వస్తున్నాయి. ఇకపోతే టీవీ9 డిబెట్ లో విశ్వక్ సేన్ అభ్యంతరకరమైన F*** అనే పదాన్ని వాడుకొని ఆ ఛానల్ ఎలా రియాక్ట్ అవుతుందో చూడాలి మరి.
