devotional: ఎన్నో సందేహాలు
మన లో చాలా మందికి పూజ చేసుకునే అలవాటు ఉంటుంది. రోజు పూజ అయితే చేసేస్తూ ఉన్నాము కానీ కొన్ని కొన్ని సందేహాలు తొలిచేస్తూ ఉంటాయి. ఉదాహరణకు పూజ లో దీపం దేవుడి ( God ) వైపు ఉండాలా మన వైపు ఉండాలా ? పూజకు ఏ నూనె వాడాలి ? ఎన్ని ఒత్తులు వేయాలి ఇలా ఎన్నో సందేహాలు మెదులుతూ ఉంటాయి. అలాంటి వాటిలో ఒక చిత్రమైన సందేహం ఏమిటంటే.. పూజ చేసేటప్పుడు ఏ దిక్కున ముఖము పెట్టి పూజ చేసుకోవాలి? అని ఆలోచిస్తుంటారు.
devotional: దిక్కు అవసరం లేదుకానీ
సర్వాంతర్యామి అయిన పరమాత్మని పూజించుకోవడానికి ప్రార్ధించుకోవడానికి అసలు దిక్కుతో పనిలేదు. అయితే అన్నిటా భగవంతుడిని దర్శించ గలుగుతున్నప్పుడు దిక్కు అవసరం లేదుకానీ ఇంకా అంత స్థాయికి చేరుకోక పోతేమాత్రం దిక్కు అవసరమని, ఏ దిక్కునతిరిగి పూజ చేస్తే మంచి ఫలితములను పొందవచ్చో మన శాస్త్రంలో తెలియచేయబడింది.
ఇంట్లో, గుడిలో , మండపాలు మొదలైన చోట్ల పూజలను చేస్తుంటాము. ఇంట్లో పూజ చేసుకుంటే కనుక ఇంటికి ఈశాన్య దిక్కున ఉండే పూజా గదిలో కూర్చొని పూజ చేసుకోవాలి. ఇంటికి దక్షిణ దిక్కులో కూర్చుని ఎప్పుడు దేవుడిని పూజించకూడదు.
సందర్భాన్ని బట్టి
ఇంట్లోకానీ కళ్యాణ మండపాలలో కానీ చేసుకొనేప్రత్యేక పూజలకు తూర్పుగా కానీ, ఉత్తరంగా కానీ కూర్చొని చేసుకోవడం అనేది చాలా శుభప్రదం గా చెప్పబడింది. ఆలయాలలో , యాగశాలలో, వైదిక క్రతువుల కోసం ఏర్పాటు చేయబడిన మండపాలలో చేసే పూజా కార్యక్రములకు దిక్కులు చూసుకోవలిసిన పని లేదు అని చెప్పబడింది. కాబట్టి సందర్భాన్ని బట్టి దిశను మార్చి కూర్చొని పూజను చేసుకోవాలి.