Harish Shankar: డైరెక్టర్ హరీష్ శంకర్ పవర్ స్టార్ పవన్ కళ్యాణ్ కళ్యాణ్ రెండో సినిమా చేయడానికి రెడీగా ఉన్న సంగతి తెలిసిందే. గత ఏడాది సెప్టెంబర్ నెలలో పవన్ పుట్టినరోజు నాడు “భగత్ సింగ్ భవదీయుడు” అనే టైటిల్ తో పవన్ తో మూవీ చేస్తున్నట్టు ప్రకటించారు. మైత్రి మూవీ మేకర్స్ నిర్మాణ సంస్థ నిర్మిస్తున్న ఈ సినిమాకి దేవిశ్రీప్రసాద్ మ్యూజిక్ డైరెక్టర్. “గబ్బర్ సింగ్” తో పవన్ కి భారీ బ్లాక్ బస్టర్ హరీష్ ఇవ్వటంతో.. వస్తున్నా రెండో సినిమాపై భారీ అంచనాలు నెలకొన్నాయి. సినిమా షూటింగ్ అవకుండానే.. ఈ సినిమాకి సంబంధించి వస్తున్న వార్తలు సినిమాతో మరింత అంచనాలు పెంచాయి.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
“భగత్ సింగ్ భవదీయుడు”లో పవన్ కళాశాల లెక్చరర్ పాత్రలో కనిపిస్తున్నట్లు హరీష్ తెలపడం జరిగింది. పవన్ గతంలో ఎప్పుడూ కూడా ఇటువంటి క్యారెక్టర్ చేయకపోవటంతో.. అభిమానులు ఈ సినిమా కోసం ఎంతో ఆతృతగా ఎదురుచూస్తున్నారు. అయితే ఈ సినిమాకి సంబంధించి షూటింగ్ ఎప్పుడు స్టార్ట్ అవుతుందో ఎవరికీ అర్థంకాని పరిస్థితి. పవన్ కళ్యాణ్ రాజకీయంగా మరో మూడు నెలల్లో బిజీ కానున్న తరుణంలో.. మధ్యలో “హరిహర వీరమల్లు”, “వినోదయ సీత్తం” మినహా మరో సినిమా చేయటం లేదని వార్తలు ఉన్నాయి.
అయితే అక్టోబర్ నెల నుండి పవన్ కళ్యాణ్ జనసేన పార్టీ తరఫున ఆంధ్రప్రదేశ్ రాష్ట్ర వ్యాప్తంగా యాత్ర చేయబోతున్నారు. ఈ పరిణామంతో హరీష్ శంకర్ పవన్ సినిమా కంటే ముందుగా మధ్యలో మరో సినిమా చేయాలని స్ట్రాంగ్ గా డిసైడ్ అయినట్లు తాజాగా స్క్రిప్ట్ రెడీ చేస్తున్నట్లు వార్తలు వస్తున్నాయి. హరీష్ శంకర్ చివరిగా దర్శకత్వం చేసిన సినిమా గద్దలకొండ గణేష్. 2019 సెప్టెంబర్ నెలలో విడుదలైంది. ఆ తర్వాత ఇప్పటివరకు హరీష్ దర్శకత్వంలో మరో సినిమా రాలేదు. గత ఏడాది పవన్ సినిమా ప్రకటించిన గాని.. ఇప్పటి వరకు షూటింగ్ కి నోచుకోలేదు.