తెలుగు సినీ పరిశ్రమకి ఎంతో మంది హీరోలు రావడం కొన్ని సినిమాలు చేసాక ఆఫర్లు లేక వెనుతిరగడం వంటివి మనం ఎన్నో చూసాం. కానీ ఏ బ్యాక్ గ్రౌండ్ లేకుండా సినిమా ఇండస్ట్రీ కి వచ్చి తనదయిన ముద్రను వేసాడు ఉదయ్ కిరణ్. తన నటన మరియు అభినయంతో ఎంతో మంది అభిమానులను సంపాదించుకున్నారు ఉదయ్ కిరణ్.
లవర్ బాయ్ ఉదయ్ కిరణ్ చనిపోయి ఇప్పటికి ఏడేళ్ళు అవుతోంది. కానీ ఇప్పటికీ ఆయన్ని మరిచిపోలేకపోతున్నారు ఆయన అభిమానులు. ఆయన నటనతో ప్రేక్షకులను అంతగా ఆకట్టుకున్నారు. ఆయన మరణం గురించి ఈ రోజుకి కూడా సోషల్ మీడియాలో చర్చ జరుగుతూనే ఉంటుంది.
ఉదయ్ కిరణ్ 2000 సంవత్సరంలో దర్శకుడు తేజ దర్శకత్వంలో వచ్చిన ఈ చిత్రం ద్వారా వెండితెర పై తెరంగేట్రం చేసాడు. ఆయన తన మొదటి సినిమాతోనే భారీ విజయాన్ని అందుకున్నారు. ఆ తరువాత వరుసగా మనసంతా నువ్వే, నువ్వే నువ్వే వంటి సినిమాల్లో నటించి ప్రేక్షకుల మెప్పు పొందాడు. నువ్వే నువ్వే సినిమాలో ఆయన నటనకు గాను 2001లో ఫిలిం ఫేర్ అవార్డు కూడా అందుకున్నాడు. తెలుగు మరియు తమిళ భాషలలో నటించి స్టార్ హీరోగా పేరు తెచ్చుకున్నాడు. లవర్ బాయ్ తో పాటుగా వరుస హిట్లు కొట్టడంతో హ్యాట్రిక్ స్టార్ అని కూడా ఉదయ్ కిరణ్ బిరుదు పొందాడు.
అయితే కొన్ని కారణాల చేత 2014 జనవరి 6వ తేదీన తన ఇంట్లోనే ఉదయ్ కిరణ్ ఆత్మహత్య చేసుకున్నాడు. ఈ విషయమై అప్పట్లో ఎన్నో ఊహాగానాలు వినిపించాయి. అప్పటిలో ఉదయ్ కిరణ్ ఆత్మహత్య చేసుకోవడానికి కారణం ఒక పెద్ద స్టార్ హీరో అని ఊహాగానాలు వినిపించాయి. ఆ స్టార్ హీరో మరెవరో కాదు అప్పటిలో సినిమాలకు గుడ్ బై చెప్పి రాజకీయాలలోకి వెళ్ళి విఫలమై తిరిగి సినిమాలలో నటిస్తున్న స్టార్ హీరో. ఇటీవల డైరెక్టర్ తేజ, ఆ ఊహాగానాలకు మరియు ఆ స్టార్ హీరో కు ఎటువంటి సంబంధం లేదని వెల్లడించారు
ఇటీవల ఒక ఇంటర్వ్యూ లో దర్శకుడు తేజ మాట్లాడుతూ, ఉదయ్ కిరణ్ ఆత్మహత్య చేసుకునేంత పిరికివాడు కాదని చాలా ధైర్యంగా ఉండేవాడని అతను ఒకవేళ సినిమాలు లేక ఆత్మహత్య చేసుకున్నాడా అంటే అప్పటికే తను సినిమాలకు దూరంగా ఉన్నాడని ఆయన చెప్పుకొచ్చారు. అతను ఏ కారణాల చేత ఆత్మహత్య చేసుకున్నాడో తనకు ఇప్పటికి అర్ధం కావట్లేదని డైరెక్టర్ తేజ చెప్పుకొచ్చారు.