Eetala Rajendar: తెలంగాణ కాంగ్రెస్ లో ఈటెల లొల్లి..! సొంత నియోజకవర్గంలోనే సమస్య మొదలు…!!

Share

Eetala Rajendar: మాజీ మంత్రి, ఎమ్మెల్యే ఈటల రాజేందర్​ వ్యవహారం.. కాంగ్రెస్​లో కాక రేపింది. తెలంగాణ ఉద్యమంలో పోరాడిన వారందరినీ సీఎం కేసీఆర్​ కక్షగట్టి బయటకు గెంటేస్తున్నారంటూ కాంగ్రెస్​ లీడర్లు ఈటలకు మద్దతుగా నిలిచారు. పీసీసీ చీఫ్​ ఉత్తమ్​ కుమార్​ రెడ్డితో పాటు వర్కింగ్ ​ప్రెసిడెంట్​ రేవంత్​ రెడ్డి, జీవన్​రెడ్డి, కోమటిరెడ్డి వెంకట్​రెడ్డి, దాసోజు శ్రవణ్​, సంపత్​ కుమార్​తో పాటు చాలా మంది లీడర్లు ఈటల పక్షాన మాట్లాడారు. టీఆర్​ఎస్​లోని మంత్రులు, ఎమ్మెల్యేల భూకబ్జాలు, ఆక్రమణలపై పవర్​పాయింట్​ ప్రెజెంటేషన్​ ఇచ్చి మరీ జనాలకు తెలియజేసే ప్రయత్నం చేశారు. అయితే, పార్టీ హుజూరాబాద్​ నియోజకవర్గ ఇన్​చార్జి ,రాజేందర్ చేతిలో ఓడిపోయిన పాడి కౌశిక్​ రెడ్డి మాత్రం ఈటలకు వ్యతిరేకంగా గొంతెత్తారు.

Disturbance in telangana congress by Eetala Rajendar
Disturbance in telangana congress by Eetala Rajendar

Eetala Rajendar: రాజేందర్ వర్సెస్ కౌశిక్​ రెడ్డి

ఈటల పై కౌశిక్​ రెడ్డి ఎన్నెన్నో ఆరోపణలు చేశారు. అదే ఇప్పుడు కాంగ్రెస్​లో చీలికకు కారణమైందన్న వాదనలు వినిపిస్తున్నాయి.
కౌశిక్​ రెడ్డి వరుస ప్రెస్​మీట్లు పెట్టి ఈటల మీద భూకబ్జాలు, ఆక్రమణల ఆరోపణలు చేశారు. ఆయన తీరుపై కాంగ్రెస్​లోని కొందరు సీనియర్​ నేతలు ఆగ్రహం వ్యక్తం చేస్తున్నారు. పార్టీలో ఉంటూ టీఆర్​ఎస్​ డైరెక్షన్​లో పనిచేస్తున్నాడంటూ మండిపడుతున్నారు.

కౌశిక్​ రెడ్డి పై ఫిర్యాదు!

దీనిపై రెండ్రోజుల కిందట పార్టీ రాష్ట్ర వ్యవహారాల ఇన్​చార్జ్​ మాణిక్కం ఠాగూర్​కు పీసీసీ వర్కింగ్​ ప్రెసిడెంట్​ పొన్నం ప్రభాకర్​ ఫిర్యాదు కూడా చేశారు. ఇటు ఈటల వ్యవహారంపై పార్టీ వైఖరేంటో క్లారిటీ ఇవ్వాలంటూ ఉత్తమ్​కూ లేఖ రాశారు. ఈటల విషయంలో పార్టీ అనుసరిస్తున్న తీరు ఇప్పుడు సరిగ్గా లేదని, ఈ అవకాశాన్ని ఉపయోగించుకోవాల్సిన అవసరం ఉందని అభిప్రాయపడ్డారు. కాంగ్రెస్​ లీడర్లు టీఆర్​ఎస్​ ఎజెండాతో మాట్లాడుతున్నారని ఫిర్యాదు చేశారు. ఈ అంశాలపై పార్టీ ముఖ్యులతో మీటింగ్​ పెట్టి పార్టీ వైఖరిపై కార్యాచరణను వెల్లడించాలని కోరారు.కాగా ఉత్తమ్​కు కౌశిక్​ రెడ్డి దగ్గరి చుట్టం. దీంతో ఆయన అండతోనే కౌశిక్​ రెడ్డి ఇలా మాట్లాడుతున్నాడని పార్టీలో బహిరంగ చర్చ జరుగుతోంది.

 


Share

Related posts

తెలుగు రాష్ట్రాల్లో కోవిడ్-19 విలయతాండవం

Muraliak

బ్రేకింగ్: అచ్చెన్నాయుడుకు షాక్.. బెయిల్ పిటీషన్ కొట్టివేసిన హైకోర్టు

Vihari

బిగ్ బాస్ 4 : నాగర్జున పై స్వాతి దీక్షిత్ సంచలన కామెంట్స్..! అంతా మోసం అని అసలు విషయం బయటపెట్టింది

arun kanna