తెలుగు ప్రేక్షకులకు గత వారమే బిగ్ బాస్ షో మీద ఉన్న నమ్మకం పోయింది. మేము మా పనులన్నీ వదిలేసుకొని షో చూసి.. ఓట్లు వేస్తుంటే.. మీరు మాత్రం మీకు నచ్చినట్టుగా వ్యవహరిస్తున్నారు. ఓట్ల ప్రకారం కాకుండా.. మీకు నచ్చిన వాళ్లను ఉంచి.. నచ్చని వాళ్లను ఎలిమినేట్ చేస్తున్నారు. ఇది కరెక్ట్ కాదు.. అంటూ బిగ్ బాస్ ని, హోస్ట్ నాగార్జునను నెటిజన్లు ప్రశ్నిస్తున్న సంగతి తెలిసిందే.
ఒక తెలుగు కంటెస్టెంట్ కు గుజరాత్ కంటెస్టెంట్ కంటే తక్కువ ఓట్లు వచ్చాయా? కుమార్ సాయికి ఎక్కువ ఓట్లు వచ్చినా.. మోనాల్ గజ్జర్ ను సేవ్ చేయడం కోసం గత వారం కుమార్ సాయిని ఎలిమినేట్ చేశారని సోషల్ మీడియాలో బిగ్ బాస్ పై జనాలు మండిపడుతున్న తరుణంలో మరో వార్త సోషల్ మీడియాలో గుప్పుమంటోంది.
ఈవారం ఎలిమినేట్ అయ్యేది మోనాల్ కాదు.. దివి అంటూ వార్తలు వస్తున్నాయి. ఈ ఆదివారం హోస్ట్ గా నాగార్జున ప్లేస్ లో సమంత వస్తున్న విషయం తెలిసిందే. ఇప్పటికే తన ఎంట్రీకి సంబంధించిన ప్రోమోను కూడా రిలీజ్ చేశారు. అయితే.. దసరా పండుగ సందర్భంగా… ఆదివారం సాయంత్రం 6 నుంచి 9 వరకు బిగ్ బాస్ వీకెండ్ ఎపిసోడ్ ప్రారంభం కానుంది.
అయితే.. దసరా పండుగ కదా.. మరోవైపు హోస్ట్ కూడా మారారు కదా.. ఈ వారం ఎలిమినేషన్ ఉండకపోవచ్చు అని అంతా భావించారు కానీ.. ఈ వారం కూడా ఎలిమినేషన్ ఉండబోతున్నదట. ఖచ్చితంగా ఈ వారం కూడా ఎలిమినేషన్ ప్రక్రియ ఉంటుందని.. అయితే ఈ వారం కూడా మోనాల్ ను బిగ్ బాస్ సేవ్ చేయడం కోసం స్ట్రాంగ్ కంటెస్టెంట్ దివిని ఇంటికి పంపించేశారన్న వార్తలు ప్రచారంలో ఉన్నాయి.
మోనాల్ గజ్జర్ ఉంటే హౌస్ లో లవ్ ట్రాక్స్, కాస్త సందడి, ఏడుపు, పెడబొబ్బులు ఉంటాయన్న ఉద్దేశంతోనే మోనాల్ ను బిగ్ బాస్ ఇంటికి పంపించడం లేదనే వార్తలు కూడా ప్రచారంలో ఉన్నాయి.
మరోవైపు దివి కూడా అందంగానే ఉన్నప్పటికీ.. హౌస్ లో ఎటువంటి లవ్ ట్రాక్ నడపకపోవడం.. ఎక్కువగా ఎవ్వరితోనూ ఇన్వాల్వ్ కాకుండా ఉండటం వల్ల తనను బిగ్ బాస్ ఇంటికి పంపించేసినట్టు తెలుస్తోంది. దివి అఫిషియల్ ఇన్ స్టాగ్రామ్ పేజీలో కూడా హార్ట్ బ్రేకప్ ఎమోజీని తాజాగా షేర్ చేయడంతో దివి హౌస్ నుంచి బయటికి వెళ్లిపోయిందని అంటున్నారు. చూద్దాం.. ఏం జరుగుతుందో తెలియాలంటే సాయంత్రం దాకా ఆగాల్సిందే.