అసలు దివి ఎలిమినేట్ అవ్వాల్సిన కంటెస్టెంట్ కాదు.. అని సోషల్ మీడియాలో వార్తలు వస్తున్న సంగతి తెలిసిందే. నిజానికి దివి ఎలిమినేట్ అయిపోయిందని ఒక రోజు ముందే అందరికీ తెలిసిపోయింది. వార్తలు కూడా ముందే వచ్చేశాయి. చాలామంది మోనాల్ ఈసారి వెళ్లిపోతుందని అనుకున్నారు. మోనాల్ ఓవర్ యాక్షన్ చూడలేకపోతున్నాం.. మోనాల్ ను బిగ్ బాస్ కూడా తట్టుకోలేకపోతున్నాడు. కుమారు సాయి ప్లేస్ లోనే మోనాల్ వెళ్లిపోవాల్సింది కానీ.. బిగ్ బాస్ మోనాల్ ను సేవ్ చేయడం కోసం కుమారు సాయిని పంపించాడు. ఈసారి ఆ చాన్స్ ఉండదులే అని అంతా అనుకున్నారు.
కానీ.. విచిత్రంగా ఈ వారం కూడా బిగ్ బాస్.. మోనాల్ ను సేవ్ చేశాడు. దివిని ఇంటికి పంపించేశాడు. ఆశ్చర్యంగా ఉన్నా ఇది నిజం. అంటే.. అందరికన్నా దివికి తక్కువ ఓట్లు వచ్చాయా? అనేది ఆ బిగ్గు బాసుడికే తెలియాలి.
ఏది ఏమైనా దసరా రోజు ఎలిమినేషన్ ఉండదు.. అని అంతా అనుకున్నారు. కానీ.. బిగ్ బాస్ హౌస్ లో ఎప్పుడు ఏం జరుగుతుంది అని ఎవ్వరూ ఊహించలేదు. తాజాగా అదే జరిగింది. దసరా పండుగ అయితేనేం.. ఎలిమినేషన్ ఎలిమినేషనే అన్నట్టుగా.. దివిని ఎలిమినేట్ చేశాడు బిగ్ బాస్.
అయితే.. దివి ఎలిమినేట్ అయితే అయింది కానీ.. మాంచి సినిమా చాన్స్ కొట్టేసింది. దసరా స్పెషల్ ఎపిసోడ్ లో చాలా మంది గెస్టులు వచ్చిన సంగతి తెలిసిందే కదా. దివి ఎలిమినేట్ అయిన సమయంలో హీరో కార్తికేయ కూడా బిగ్ బాస్ స్టేజీ మీదే ఉన్నాడు.
అయితే.. దివి స్టేజీ మీదకు వచ్చిన తర్వాత… దివికి మీ సినిమాలో మంచి పాత్ర ఇవ్వు కార్తికేయ అంటూ సమంత.. దివిని రెకమెండ్ చేసింది. దీంతో కార్తికేయ ఓకే అని చెప్పి.. తనకు.. సమంతతో కలిసి ఓ సినిమా చేయాలని ఉందని.. తన మనసులో మాటను చెప్పాడు. దీంతో సమంత కూడా కార్తికేయతో కలిసి నటించడానికి గ్రీన్ సిగ్నల్ ఇచ్చేసింది.