Chennai Mayor: మహిళలు నేడు అన్ని రంగాల్లో పురుషులకు ధీటుగా రాణిస్తున్నారు. ఉద్యోగ, వ్యాపారాల్లోనే కాక రాజకీయాల్లోనూ తమ సత్తా చాటుతున్నారు. తాజాగా పిన్న వయస్సులోనే ఓ దళిత సామాజికవర్గ యువతి ఓ రాష్ట్ర రాజధాని నగర కార్పోరేషన్ కు మేయర్ గా ఎన్నికై రికార్డు నెలకొల్పారు. చెన్నై మహా పట్టణ నగర పాలక సంస్థకు గత నెలలో ఎన్నికలు జరిగాయి. ఈ ఎన్నికల్లో డీఎంకే పూర్తి మెజార్టీ సాధించింది. చెన్నై తీనాంపేట 98 వ వార్డు నుండి ప్రియదర్శిని అత్యధిక మెజార్టీతో కార్పోరేటర్ ఎన్నికైయ్యారు. 4వ తేదీన ప్రియదర్శిని మేయర్ గా ఏకగ్రీవంగా ఎన్నుకున్నారు.
Chennai Mayor: చిన్న వయస్సులోనే మేయర్ గా ఎన్నికైన ప్రియదర్శిని
ఇంతకు ముందు ఇద్దరు మహిళలు చెన్నై మేయర్ గా పని చేశారు. తారా చెరియన్, కామాక్షి జయరామన్ అనే ఇద్దరు ఇంతకు ముందు మేయర్ లుగా బాధ్యతలు నిర్వహించగా, తాజాగా మేయర్ గా ఎన్నికైన ప్రియదర్శిని చిన్న వయస్సు రాలు కావడం గమనార్హం. ఆమె వయస్సు 28 సంవత్సరాలు. మొదటి సారి ఒక దళిత మహిళ చెన్నై నగర పాలక సంస్థకు మేయర్ గా ఎన్నికవ్వడం విశేషం. దళిత మహిళకు చెన్నై మేయర్ స్థానానికి ఎంపిక చేయడం పట్ల ఆ వర్గాలు డీఎంకే అధినేత, సీఎం స్టాలిన్ కు ధన్యవాదాలు తెలియజేస్తున్నారు.
అత్యధిక మెజార్టీతో విజయం
కార్పోరేటర్ గా అత్యధిక మెజార్టీతో విజయం సాధించడంతో పాటు మేయర్ గా ప్రియదర్శిని ఎన్నిక అవ్వడంతో నగర ప్రజలు ఆమెకు అభినందనలు తెలియజేస్తున్నారు. ఆమె కార్యచరణతో మరింత సమర్ధవంతంగా, ప్రజా ఆమోదయోగ్యంగా పరిపాలన సాగించాలని కోరుకుంటున్నారు. మేయర్ గా ఎన్నికైన ప్రియదర్శిని దళిత యువతులకు స్పూర్తిదాయకంగా నిలుస్తున్నారు.