Heart Pain: ఏ జీవి శరీరంలో అయినా అతి ప్రధానమైన భాగం గుండె.. అటువంటి గుండె ను ప్రతి ఒక్కరు జాగ్రత్తగా రక్షించుకోవాలి.. లేదంటే అనేక ఆరోగ్య సమస్యలు ఎదురయ్యి ప్రాణానికే ప్రమాదం కావచ్చు.. సాధారణంగా గుండెకు రక్తం సరఫరా లో ఏదైనా ఆటంకం కలిగినప్పుడు గుండెనొప్పి వస్తుంది.. దీనిని నిర్లక్ష్యం చేయడం వలన అనేక మంది ప్రాణాలు కోల్పోతున్నారు.. గుండెల్లో నొప్పి వస్తే వెంటనే ఏం చేయాలి..!! గుండె నొప్పి వచ్చిన వెంటనే ఆసుపత్రికి తీసుకు వెళ్ళాలా..!? లేదంటే ఎంత సమయం లోపు తీసుకోవాలి..!? గుండెల్లో నొప్పి రాకుండా ఎటువంటి జాగ్రత్తలు పాటించాలి ఇప్పుడు తెలుసుకుందాం..!!
Heart Pain: గుండెల్లో నొప్పి అనిపించిన వెంటనే ఇలా చేయండి..!!
గుండె నొప్పి వచ్చినప్పుడు వెంటనే మీరు చేస్తున్న పని అపేసి విశ్రాంతి తీసుకోవాలి. ఒకవేళ మీరు నడుస్తూ ఉంటే నడుస్తూ ఉన్నప్పుడు నొప్పి వస్తే ఆగి నిలబడాలి. ఇలా చేస్తే కొద్ది నిమిషాలలో నొప్పి తగ్గుతుంది. అలా కాకుండా మీరు చేస్తున్న పని ఆపకుండా చేస్తుంటే నొప్పి తగ్గదు. సమస్య మరింత తీవ్రంగా మారుతుందని గుర్తుంచుకోవాలి. గుండెల్లో నొప్పి రాకుండా ఉండాలంటే శ్రమతో కూడుకున్న పనులు చేయకూడదు వీలైనంత కోపాన్ని తగ్గించుకోవాలి కోపం తెప్పించే విషయాల జోలికి వెళ్లకపోవడమే మంచిది. ఆహారం ఎక్కువగా తినకూడదు. చిన్న చిన్న మోతాదులో ఎక్కువ సార్లు తినటం మంచిది. భోజనం చేసిన వెంటనే విశ్రాంతి తీసుకోవాలి. తిన్న వెంటనే ఏ పని చేయకూడదు. ధూమపానం చేసే అలవాటు ఉంటే మానుకోవాలి. ప్రతి రోజూ వ్యాయామం చేయాలి. అలాగని ఎక్కువగా బరువు ఎత్తినా కూడా ప్రమాదమే.
Heart Pain: గుండె నొప్పి వస్తే మొదటి గంటే ముఖ్యం..!!
సాధారణంగా ఎవరికైనా గుండెపోటు వచ్చిన గంట సేపటి వరకు కూడా శరీరానికి రక్త ప్రసరణ జరుగుతుంది.. మొదటి గంట తర్వాత రక్త ప్రసరణ ఆగిపోతుంది అని ఆరోగ్య నిపుణులు చెబుతున్నారు.. అందుకే గుండెపోటు వచ్చిన మొదటి గంటలో గోల్డెన్ అవర్ గా చెబుతారు. ఎక్కువమంది ఛాతిలో నొప్పి వచ్చినా కొన్ని గంటల తరువాత ఆసుపత్రికి తీసుకు వెళ్తున్నారు అయితే మొదటి గంటలోపే హాస్పటల్ కు తీసుకెళ్తే నష్టం జరగకుండా ఉంటుంది. గుండెపోటు వచ్చిన మొదటి గంటలోనే పేషెంట్ ను ఆసుపత్రికి తీసుకెళ్తే ప్రయోజనం ఉంటుంది. గుండెల్లో నొప్పి, గుండె పోటు రాకుండా ఉండాలంటే చక్కటి జీవన విధానం అలవరుచుకోవాలి. నిత్యం వ్యాయామం చేయాలి. ధూమపానం, మద్యపానం దూరంగా ఉండాలి.
