కొంద‌రికి పంచదార అనే పేరు విన‌గానే నోట్లో నీళ్లు ఊరుతాయి. వెంట‌నే తియ్య‌గా ఉండే ప‌దార్థాల‌ను తినాల‌ని మొండికేస్తారు. స‌మ‌యం… మ‌ధ్యాహ్నం కావొచ్చు.. అర్థ రాత్రి కావొచ్చు.. ప‌నిలో ఉండొచ్చు.. ఏ ప‌ని చేయ‌కుండా ఉండొచ్చు. ఉన్న‌ట్టుండి తీపి తినాల‌నే కొంద‌రిలో క‌లుగుతుందంటా.. అయితే కోరిక క‌ల‌గ‌డం త‌ప్పుకాదు కానీ అతిగా చెక్క‌ర తింటే చాలా ర‌కాల హెల్త్ ప్రాబ్ల‌మ్స్ వ‌స్తాయ‌ని ఇప్ప‌టికే ప‌లువురు వైద్యులు చెబుతున్నారు.
అయితే షుగర్ ఎక్కువగా తిన‌డం వ‌ల్ల వ‌చ్చే స‌మ‌స్య‌ల్లో ముఖ్యంగా ఉండే వాటిగురించి వైద్యులు చెబుతుంటారు. ఆ స‌మ‌స్య‌ల్లో.. అధిక బరువు పెర‌గ‌డం, హార్ట్ డిసీజ్ లు రావ‌డం, యాక్నే సమస్య, టైప్ 2 డయాబెటీస్, కాన్సర్, డిప్రెషన్, చర్మం ముడతలు ప‌డ‌టం, శరీరంలో శక్తి మెత్తం పోయిన‌ట్లు అనిపించ‌డం, ఫ్యాటీ లివర్ ప్రాబ్లం, డెంటల్ సమస్యలు, జ్ఞాపక శక్తి సమస్యలు మొద‌లైన‌వి ఉంటాయ‌ని వైద్యులు చెబుతున్నారు.
అయితే షుగర్ ను ఎక్కువగా తినాల‌ని అనిపించ‌డానికి ప‌లు కార‌ణాలు ఉంటాయ‌ని వైద్యులు చెబుతుంటారు. చ‌క్క‌ర‌కు సంతోషానికీ చాలా దగ్గర సంబంధముంద‌రి చెబుతుంటారు. చ‌క్క‌ర‌ను తిన్న‌ప్పుడు శరీరంలో డోపమైన్ అనే హార్మోన్ విడుదల అవుతుంద‌ని తెలుపుతున్నారు. ఆ హార్మోన్ వ‌ల్ల మంచి ఫీలింగ్ వ‌స్తుందంటా.. ఆ మంచి ఫీలింగ్ కోస‌మే మ‌నం త‌ర‌చు చ‌క్క‌ర‌ను తింటామ‌ని వైద్యులు చెబుతుంటారు.
పొట్ట నిండిన‌ప్పుడు.. ఇంకేమీ తినాల్సిన అవ‌స‌రం లేద‌ని మెద‌డుకు స‌మాచారాన్ని అందించే హార్మోన్ పేరు లెప్టిన్. ఈ హార్మోన్ స‌రిగ్గా ప‌ని చేయ‌కుండా చ‌క్క‌ర అడ్డుకుంటుంది.అందువ‌ల్ల మ‌నం ఎక్కువగా తింటామ‌ని చెబుతుంన్నారు. అలాగే బ్రెయిన్ లో ఉండే హైపోథాలమస్ మ‌నం ఎంత తింటున్నామ‌ని గ‌మ‌నించ‌దంటా.. కార‌ణం షుగర్ ఈ యాక్టివిటీకి అడ్డుకుంటుంద‌ని చెబుతున్నారు వైద్యులు.
అయితే చ‌క్క‌ర తిన‌డాన్ని త‌గ్గించాలంటే దాని ప్లేస్ లో బెల్లం, తేనె వంటివి తీసుకోవాలి. చ‌క్క‌ర తో చేసిన వాటిని కాకుండా బెల్లంతో చేసిన వాటిని తినాలి. టీ, కాఫీలో కూడా వీలైనంత త‌క్కువ చ‌క్క‌ర‌ను వాడాలి. ఖర్జూరాలు, ఎండు ద్రాక్ష వంటివి తిన‌డం వ‌ల్ల చ‌క్క‌ర‌ను త‌గ్గించే అవ‌కాశం ఉంది. అయితే ఇలాంటి అల‌వాటు మీకు ఉంటే ముందు డాక్ట‌ర్ ను సంప్ర‌దించి స‌లహాలు తీసుకోవ‌డం మాత్రం మ‌రువొద్దు.
