ఈ మధ్య ఆరోగ్యం మీద శ్రద్ధ విపరీతంగా పెరిగిపోతుంది. దీనిపై వైద్యులు కూడా పలు పరిశోధనలు చేసి ఏది శరీరానికి మంచిదో.. ఏది కాదో చెబుతున్నారు. పౌష్టిక ఆహారం తీసుకోవాలంటే అందులో నాన్ వెజ్ ఉండాలని వైద్యులు చెబుతుంటారు. అందుకే చికెన్, మటన్ కు మంచి గిరాకి ఉంటుంది. అయితే వీటితో పాటు రోజుకో గుడ్డు తింటే ఆరోగ్యం చాలా బాగా ఉంటుందని వైద్యులు చెబుతుంటారు. అలా చేస్తే.. శరీరానికి కావలసిన పోషకాలన్నీ అందుతాయని చెబుతుంటారు.
అయితే గుడ్లల్లో కేవలం కోడి గుడ్లే కాకుండా.. బాతుగుడ్లు, కౌజు గుడ్లు కూడా ఉంటాయి. అందులో కౌజు గుడ్లకు ఇప్పుడు భారీగా డిమాండ్ పెరిగింది. వీటికి డిమాండ్ పెరగడానికి కారణాలు లేకపోలేదు. వీటివల్ల చాలా ప్రయోజనాలు ఉన్నాయని వైద్యులు చెబుతున్నారు. మీరుగాని అవి తెలుసుకుంటే కోడి గుడ్లను మానేసి కౌజు పిట్ట గుడ్లను తింటారు.
అయితే ఈ కౌజు పిట్టల గుడ్లకు ఇప్పటికే.. యూరప్, ఉత్తర ఆఫ్రికా, ఆసియా, దక్షిణ అమెరికాలో మంచి డిమాండ్ ఉంది. అక్కడ కోడి గుడ్లకంటే కౌజు పిట్టల గుడ్లకే డిమాండ్ ఎక్కువ. కోడి గుడ్లతో పోల్చితే కౌజు గుడ్లు చిన్నగా ఉంటాయి. కానీ కోడి గుడ్ల కంటే 30 % ఎక్కువ పోషకాలు ఉంటాయి. అందుకే జపాన్ లాంటి దేశంలో కూడా కౌజు పిట్టల గుడ్లకు భారీ డిమాండ్ ఉంది. ఆ డిమాండ్ వల్ల అక్కడ ఒకేసారి 3 నుంచి 5 గుడ్లను తింటుంటారు.
అందుకే జపాన్ లో కౌజు పిట్ట గుడ్లకు మంచి గిరాకి ఉంటుంది. మనలో చాలా మందికి కోడి గుడ్లు తినడం అంటే అలెర్జీ. అలాంటి వారికందరికి కౌజు పిట్ట గుడ్లు సెట్ అయ్యే అవకాశం ఉందని వైద్యులు చెబుతుంటారు. ఒక వంద గ్రాముల కౌజు పిట్టల గుడ్లలో 74గ్రాముల నీరు ఉంటుంది. అలాగే 158 కేలరీల ఎనర్జీ దాగి ఉంటుంది.
అదే కాకుండా 13 గ్రాముల ప్రోటీన్లు ఉంటాయి. అలాగే 11 గ్రాముల ఫ్యాట్ ఉంటుంది. కాల్షియం, ఐరన్, షుగర్, మెగ్నీషియం, ఫాస్పరస్, పొటాషియం, సోడియం, జింక్, ఫోలేట్, విటమిన్ బి-12, విటమిన్ -ఎ, విటమిన్ -ఈ, విటమిన్ -డీ, కొలెస్ట్రాల్ కూడా పుష్కలంగా ఉంటాయి. వీటితో ఆరోగ్యానికి పలు ప్రయోజనాలు కలుగుతాయి. ఆ ప్రయోజనాల్లో.. గుండె జబ్బులు, హైబీపీ, ఆర్థరైటిస్, హార్ట్ ఎటాక్, కాన్సర్, జీర్ణ సంబంధ సమస్యల్ని ఈ గుడ్లు తగ్గిస్తాయి.
అలాగే అలర్జీలు, కడుపులో మంటలు ఉంటే ఈ గుడ్ల వల్ల అవి తగ్గుతాయి. శరీరంలో హార్మోన్లు సరిగ్గా పనిచేయాలంటే విటమిన్ బి ఉండే ఈ కౌజు పిట్ట గుడ్లను తినడం చాలా మంచిది. వీటితో పాటు ఎన్నో లాభాలు ఉన్నాయి. మీరు గాని నాన్ వెజ్ ప్రియులు అయితే ఒక సారి ట్రై చేసి చూడండి. ఇంకో విషయం మంచిదని ఎక్కువగా తింటే అసలుకే మోసం వస్తుంది. ఏదైనా లిమిట్ కు మించకుండా చేయాలి.