worship Room: పూజ గది ప్రత్యేకంగా
ఇంట్లో ఉండే పూజాగదికి కచ్చితంగా రెండు తలుపులు ఉండడం తో పాటు పూజాగదికి తప్పనిసరిగా గడప కూడా ఉండాలని వాస్తు నిపుణులు తెలియచేస్తున్నారు. ఇంటిలో నైరుతిదిశలో కానీ ఆగ్నేయదిశలో కానీ ఉన్న గదులను పూజగదులుగా పెట్టుకోకూడదు. ఒకవేళ తప్పని పరిస్థితి అయితే మాత్రం ఏ గదిలోనైనా ఈశాన్యపు అలమారలల్లో లేదా పీటమీదగానీ దేవుడి పటాలు, ప్రతిమలు పెట్టుకుని పూజించవచ్చు. అయితే పూజ గది ప్రత్యేకంగా కావాలా లేక ఒక అలమార లో పెట్టుకుంటారా అనేది ఇంటి యజమానుల ఇష్టం తో పాటు ఇంటి వైశాల్యం మీద కూడా ఆధారపడి ఉంటుంది అనేది గమనించాలి.
worship Room: ఈశాన్య మూల
ఇంటి మొత్తం లో ఈశాన్య మూల ఈశ్వరుని స్థానం కాబట్టి ఆ దిశ పూజ గది నిర్మాణానికి చాలా శ్రేష్ఠమైన స్థానం గా చెప్పబడింది. ఈ గదిలో ఉదయాన్నే పడే సూర్యకిరణాలు వలన ధాన్యం చేసుకున్న, పూజ చేసిన ఎంతో ప్రశాంతత లభిస్తుంది.
పూజగదిలో అనవసరపు బరువులు ఏవి లేకుండా చేయడం తో పాటు ఎప్పుడూ చాలా శుభ్రం గా ఉంచుకోవాలి. అలా అని పూజ గది తో ఈశాన్యం పూర్తిగా మూత పడేలా చేయకూడదు. ఈశాన్యాన పూజ గది కుదరకపోతే తూర్పు లేదా ఉత్తర దిక్కుల్లో అయినా కూడా నిర్మించుకోవచ్చునని వాస్తుశాస్త్రం తెలియచేస్తుంది.
worship Room: పిల్లల పడక గది
ఇంటిలో పడక గది నైరుతి లో కానీ నైరుతికి దగ్గరగా దక్షిణ దిశలో కానీ పశ్చిమాల్లో కానీ ఏర్పాటు చేసుకోవచ్చు. పిల్లల కోసం పడక గది వాయవ్య దిశ , పశ్చిమ దిశ , దక్షిణా దిశలో ఉండే విధం గా జాగ్రత్త పడాలి. వంట గది అనేది ఆగ్నేయంలో మాత్రమే ఉండటం తో పాటు వంట చేసేవారు తప్పని సరిగా తూర్పుదిక్కు చూస్తూ మాత్రమే వండాలి… అనుకూలం కోసం ఎటుపడితే అటు తిరిగి వండకూడదు అని గుర్తు పెట్టుకోండి.
