Big Boss Show : తెలుగు టెలివిజన్ ప్రేక్షకులను మొన్నటివరకు అలరించిన రియాల్టీ షో బిగ్ బాస్ సీజన్ ఫోర్.
సరిగ్గా సినిమా ధియేటర్లు లేని టైం పైగా లాక్ డౌన్ సమయంలో సీజన్ ఫోర్ ప్రసారం కావడంతో ఎంటర్టైన్మెంట్ ప్రేక్షకులు బాగా ఆదరించారు. ఊహించని రీతిలో గత మూడు సీజన్లకు కంటే ఎక్కువ రికార్డు స్థాయిలో టిఆర్పి రేటింగులు సాధించడం జరిగింది. మొత్తం వైల్డ్కార్డ్ తో కలిపి 19 మంది కంటే ఎక్కువ కంటెస్టెంట్ లు హౌస్ లో ఎంటర్ అవ్వగా చివరాకరికి అభిజిత్ టైటిల్ గెలవడం అందరికీ తెలిసిందే. ఇదిలా ఉంటే సీజన్ ఫోర్ లో పాల్గొన్న చాలామందికి బయట మంచి క్రేజ్ ప్రస్తుతం ఏర్పడటం జరిగింది. సోహెల్, మోనాల్, అరియనా ఇంకా చాలామంది సినిమా ఇండస్ట్రీలో బిగ్ బాస్ హౌస్ వల్ల అవకాశాలు అందుకుంటూ ఉన్నారు. షో దయవల్ల వీళ్లంతా పాపులర్ అయ్యారు అని చెప్పవచ్చు. ఇదిలా ఉంటే షో ప్రారంభం లో విల్ అందరికంటే ఎక్కువ పాపులారిటీ సంపాదించిన కంటెస్టెంట్ గంగవ్వ. 60 సంవత్సరాల వయసులో హౌస్ లో కంటెస్టెంట్ గా అడుగు పెట్టిన గంగవ్వ కి బిగ్ బాస్ ఆడియన్స్.. షో ప్రారంభం లో బ్రహ్మరథం పట్టారు. రికార్డు స్థాయిలో ఓట్లు వెయ్యటం మాత్రమే కాక సోషల్ మీడియాలో ఆమెకు బాగా క్యాంపెయిన్ కూడా చేయడం జరిగింది.
దీంతో షో ప్రారంభం లో గంగవ్వ దూకుడుకి పాపులారిటీకి కచ్చితంగా ఆమె టైటిల్ విన్నర్ అని చాలామంది ఫిక్స్ అయిపోయారు. కానీ అనుకోకుండా ఆమె అనారోగ్యానికి గురికావడంతో షో మధ్యలోనే బయటకు వచ్చే చేయడం జరిగింది. అయితే షో నుండి బయటకు వచ్చే సమయంలో ఆమెకు సొంత ఇల్లు కూడా లేని పరిస్థితి ఉండటంతో.. గంగవ్వ హౌస్ నుండి ఎలిమినేట్ అయ్యే టైములో.. గంగవ్వ కి సొంత ఇల్లు కట్టించే బాధ్యత నాది అంటూ నాగార్జున మాట ఇవ్వటం జరిగింది. ఇచ్చిన మాట ప్రకారం నాగార్జున గంగవ్వ కు ఏడు లక్షలు డబ్బు అప్పజెప్పినట్లు టాక్. ఇదే రీతిలో హౌస్ నుండి వెళ్లే సమయంలో ఆమెకు ఐదు లక్షలు వచ్చినట్లు అదేరీతిలో బిగ్ బాస్ ప్రత్యేకంగా 10 లక్షలు కూడా ఇవ్వటంతో.. మొత్తం మీద 20 లక్షలకు పైగా రావడంతో తాజాగా గంగవ్వ తన ఇల్లు నిర్మాణం ఉన్నట్లు ఫోటోలను సోషల్ మీడియాలో పోస్ట్ చేయడం ఇప్పుడు వైరల్ గా మారింది. చాలా మంది నెటిజన్లు గంగవ్వ కి ఇల్లు వచ్చేసింది.. ఇంకా ఫుల్ హ్యాపీ అంటూ కామెంట్లు పెడుతున్నారు. అదే రీతిలో ఆమెకు సహాయం చేసిన ప్రతి ఒక్కరిని ప్రోత్సహిస్తున్నారు.