Expiry Date: మనం మార్కెట్ నుండి కొనుక్కు వచ్చే మందులు ,నిత్యావసర వస్తువులకే కాదు నిత్యం మనతోనే మన ఇంటిలో ఉండే కొన్ని, కొన్ని వస్తువులకు కూడా ఎక్స్ పైరీ డేట్ ఉంటుంది. వాటిని సంవత్సరాలు తరబడివాడుతూనే ఉంటే కొత్త అనారోగ్యాలు (unhealthy) తప్పవు అంటున్నారు వైద్యునిపుణులు.ఆ విషయం తెలియక చాలా మంది ఏళ్ల తరబడి వాటిని వాడుతుంటారు. వాటి గురించి తెలుసుకుందాం.
Expiry Date: టూత్ బ్రష్లు:
ఈ విషయంలో చాలా మంది అశ్రద్దగా ఉంటారు. కానీ ప్రతి నాలుగైదు నెలలకోసారైనా బ్రష్ ( brush) మార్చెయ్యాలి. ముఖ్యంగా అది రంగుమారినా, కుచ్చులు ఊడుతున్న వంకరపోయిన బ్రష్ లను అర్జెంట్ గా వాడకం నుండి తీసేయాలి. లేదంటే అవి పళ్లకు,చిగుళ్లకు హానికలిగిస్తాయి. ప్రతి రోజు బ్రష్ చేసుకునే ముందు వేడినీటిలో కాసేపు ఉంచడం మంచిది.
దువ్వెనలు: వీటిని పళ్ళు తోముకునే బ్రష్ ని ఎలా రోజు శుభ్రం చేస్తామో అలా ప్రతి రోజు శుభ్రం చేయడం అన్ని విధాలా మంచిది. లేదంటే కనీసం 3,4 రోజు లకు ఒకసారి అయినా శుభ్రం చేయాలి. శుభ్రం చేయడం కోసం వేడినీళ్లల్లో బేకింగ్ సోడా వేసి దువ్వెనలు వేసి 5 నిముషాలు ఉంచిన తర్వాత కడగాలి. దువ్వెనలను ఒక సంవత్సరానికి మించి వాడకపోవడమే మంచిది.
లో దుస్తులు: ఇవి ఎక్కువగా ఒంటికి అతుక్కుని ఉండి చెమట ఎక్కువ పడుతుంది. ఒక్కోసారి రంగులు పోయి బాగా అరిగిపోయినట్టు అవుతాయి. ఇలాంటివి వాడితే ఇన్ఫక్షన్ సమస్యలు రావొచ్చు. లేదా బ్యాక్టీరియా చేరి అలర్జీల కు కారణం అవుతాయి. ఒక సంవత్సరానికి మించి వీటిని వాడకపోవమే మంచిది.
తలగడ దిండు : దీన్ని సంవత్సరాల కొద్దీ వాడితే మెడ, వీపు నొప్పి వంటివి వస్తాయి అని డాక్టర్ లు తెలియచేస్తున్నారు. దీనిలో ఉండే దూది, ఫోమ్ వంటివి ఎగుడు దిగుడుగా మారడం వలన ఈ సమస్యల కు కారణం గా మారతాయి. సూక్ష్మజీవులు చేరి శ్వాస సంబంధిత సమస్యలు, అలర్జీలూ మొదలవుతాయి. అందుకే రెండు సంవత్సరాలకి ఒకసారైనా వీటిని మార్చుకోవాలి.
చెప్పులు, షూ: వీటిని అయితే 6 నెలలు మాత్రమే వాడాలి. ఆ తర్వాత కూడా వాడితే ఆరోగ్యం పాడయ్యే అవకాశాలు ఎక్కువగా ఉన్నాయి అంటున్నారు ఆరోగ్య నిపుణులు.