NTR 30: యంగ్ టైగర్ ఎన్టీఆర్ రాజమౌళి దర్శకత్వంలో రూపొందిన ఆర్ఆర్ఆర్ సినిమాతో ప్రేక్షకుల ముందుకు రాబోతున్నాడు. మెగా పవర్ స్టార్ రాం చరణ్ మరో హీరోగా నటించిన ఈ సినిమా మార్చి 25న ప్రపంచ వ్యాప్తంగా రిలీజ్ కానుంది. ఇక ఇప్పటికే ఎన్టీఆర్ నెకస్ట్ మూవీని కూడా కన్ఫర్మ్ చేశారు. సక్సెస్ ఫుల్ డైరెక్టర్ కొరటాల శివ దర్శకత్వంలో ఎన్టీఆర్ 30 సినిమా ఉండబోతుంది. ఇప్పటికే దీనికి సంబంధించిన అధికారిక ప్రకటన కూడా వచ్చేసింది. గత ఏడాది ఈ మూవీకి సంబంధించిన వార్తలు వచ్చి ఫిబ్రవరి లేదా మార్చి నుంచి షూటింగ్ మొదలు అని ప్రచారం జరిగింది.
కానీ, ఇప్పటికీ క్లాప్ పడక పోవడంతో ఎన్టీఆర్ అభిమానులు డిసప్పాయింట్ అవుతున్నారు. ఒక వైపు చరణ్ సహా మిగతా హీరోలందరూ కొత్త ప్రాజెక్ట్స్‌ను మొదలు పెడుతున్నారు. శరవేగంగా షూటింగ్ కూడా సాగుతోంది. కానీ, తారక్ మూవీ షూటింగ్ ఎప్పుడు స్టార్ట్ అవుతుందో అర్థం కావడం లేదు. తాజా సమాచారం మేరకు ఎన్టీఆర్ 30 సినిమాకు సంబంధించిన స్క్రిప్ట్ వర్క్ చివరి దశలో ఉందట. పలు అంశాలను జోడించడం వల్లనే ఇంకా పూర్తి స్థాయిలో స్క్రిప్ట్ రెడీ కాలేదట, అందుకే ఎన్టీఆర్ – కొరటాల శివ మూవీ సెట్స్ మీదకు రాలేదని తెలుస్తోంది.
NTR 30: ఈ సినిమా ఈ ఏడాది చివరి నుంచి మొదలవనుందని సమాచారం.
ప్రస్తుతం తారక్, కొరటాల కలిసి తమ రచయితలతో కలిసి చర్చలు జరుపుతూ స్క్రిప్ట్‌ను పక్కాగా తయారు చేసే పనిలో బిజీగా ఉన్నారట. మరో రెండు వారాల్లో స్క్రిప్ట్ వర్క్ పూర్తి స్థాయిలో సిద్ధం అవుతుందని.. ఆ తర్వాత ఘనంగా ప్రారంభోత్సవం నిర్వహించి రెగ్యులర్ షూటింగ్ మొదలుపెడతారని తెలుస్తోంది. కాగా, ఎన్టీఆర్ – చరణ్ కలిసి త్వరలో ఆర్ఆర్ఆర్ సినిమా ప్రమోషన్స్‌లో పాల్గొంటారట. ఇక తారక్ ఉప్పెన దర్శకుడు బుచ్చిబాబుతో ఓ సినిమా చేస్తారని వార్తలు వస్తున్నాయి. మైత్రీ మూవీ మేకర్స్ నిర్మించబోతున్న ఈ సినిమా ఈ ఏడాది చివరి నుంచి మొదలవనుందని సమాచారం.
అలాగే, ప్రశాంత్ నీల్ దర్శకత్వంలో తారక్ హీరోగా మైత్రీ మూవీస్ మరో హై ఓల్టేజ్ యాక్షన్ ఎంటర్‌టైనర్‌ను నిర్మించనున్నారు.
