మానవుడి జీవితం అనేక సమస్యల మయం. కానీ వీటిని ఎదుర్కోవడానికి కొన్ని సందర్భాలలో కేవలం మానవ ప్రయత్నం సరిపోదు. దైవ అనుగ్రహం కావాలి. మన పెద్దలు అనేక పరిహారాలను చెప్పారు. వాటిలో ఒకటి దేవుడికి తాంబూల సమర్పణ. షోడషోపచార పూజలలో తాంబూలం ఒకటి. అయితే ఏ రాశివారు ఏ తాంబూలాన్ని సమర్పిస్తే మంచితో వాటివల్ల కలిగే లాభాలు తెలుసుకుందాం…
మేష రాశి – తాంబూలంలో మామిడి పండును ఉంచి మంగళవారంలో కుమారస్వామిని ప్రార్థిస్తే ఈతిబాధలు తొలగిపోతాయి.
వృషభ రాశి -తమలపాకులో మిరియాలు ఉంచి మంగళవారం పూట రాహువును ప్రార్థిస్తే కష్టాలుండవు. సుఖసంతోషాలు చేకూరుతాయి.
మిథున రాశి – తమలపాకులో అరటిపండును ఉంచి బుధవారం ఇష్టదేవతా పూజ చేస్తే.. అనుకున్న కార్యాలు సిద్ధిస్తాయి.
కర్కాటక రాశి – తమలపాకులో దానిమ్మను ఉంచి శుక్రవారం పూట కాళిమాతను ప్రార్థిస్తే కష్టాలు తీరిపోతాయి.
సింహ రాశి – తమలపాకులో అరటిపండును ఉంచి గురువారం ఇష్టదేవతా పూజను చేయాలి.
కన్యారాశి రాశి – తమలపాకులో మిరియాలు ఉంచి గురువారం ఇష్టదేవతా పూజ చేస్తే.. దుఃఖం దూరమవుతుంది.
తులా రాశి – తమలపాకులో లవంగంను ఉంచి శుక్రవారం పూట ఇష్టదేవతను స్తుతిస్తే.. అనుకున్న కార్యాలు సిద్ధిస్తాయి.
వృశ్చిక రాశి – తమలపాకులో ఖర్జూర పండును ఉంచి మంగళవారం పూట ఇష్టదేవతను పూజిస్తే ఈతిబాధలు తొలగిపోతాయి.
ధనుస్సు రాశి – తమలపాకులో కలకండను ఉంచి గురువారం పూట ఇష్టదేవతను పూజించినట్లైతే సుఖసంతోషాలు చేకూరుతాయి.
మకర రాశి – తమలపాకులో బెల్లంను ఉంచి శనివారాల్లో కాళిమాతను పూజిస్తే.. కష్టాలు తీరిపోతాయి.
కుంభ రాశి – తమలపాకులో నెయ్యిని ఉంచి శనివారం పూట కాళిమాతను పూజించినట్లైతే.. దుఃఖాలు తొలగిపోతాయి.
మీన రాశి – తమలపాకులో పంచదారను ఉంచి ఆదివారం ఇష్టదేవతను పూజించినట్లైతే సుఖసంతోషాలు చేకూరుతాయి.
ఇలా పైన చెప్పిన పరిహారాలు చిన్నవిగా కనిపించినా అతి శక్తి వంతమైనవి. వీటిని భక్తి శ్రద్ధలతో ఆచరించి సత్పలితాలను పొందండి.