Land free : మనలో చాలా మంది ఇల్లు కట్టుకుని, లేదా కొనుక్కుని జీవితంలో సెటిల్ అవ్వాలనుకుంటారు. చైనా లాంటి దేశాల్లో అయితే సొంతిల్లు, కారు ఉంటేనే అక్కడి అమ్మాయిలు పెళ్లికి రెడీ అవుతున్నారు. లేకపోతే అక్కడి అబ్బాయిలకు పెళ్లిళ్లు కావడం లేదట.. అయితే, ఆ నగరంలో ఇల్లు కట్టుకునే వారికి అక్కడి ప్రభుత్వం ఉచితంగా స్థలం ఇస్తానంటోంది. ఈ ఆఫర్ ఇండియాలో మాత్రం కాదండోయ్ ఆస్ట్రేలియాలోని క్విల్పీ నగరంలో… పసిఫిక్, హిందూ మహాసముద్రానికి మధ్యలో ఉన్నదేశం ఆస్ట్రేలియా. ప్రపంచంలోనే ఆరవ అతిపెద్ద దేశం. క్విల్పీ నగరంలో క్రమంగా జనాభా తగ్గిపోతున్నది. ప్రస్తుతం అక్కడ 800 మంది మాత్రమే నివసిస్తున్నారు. దీంతో అక్కడ భారీ ఉద్యోగ ఖాళీలు ఏర్పడ్డాయి. వీటిని భర్తీ చేసేందుకు అక్కడి ప్రభుత్వం ఈ బంపర్ ఆఫర్ ప్రకటించినట్టు తెలుస్తోంది.
ఉచితం స్థలం పొందాలంటే కండిషన్స్ అప్లై..
క్విల్పీలో స్థిరపడాలనే వారికి ఉచితంగా స్థలం ఇస్తామని సిటీ కౌన్సిల్ ప్రకటించింది. దీంతో ప్రజలు ఈ ఆఫర్ పట్ల ఆశగా చూస్తున్నారట.. ఇప్పటివరకు 250 మంది ఉచిత స్థలం కోసం ఆరా తీశారని సమాచారం. ఆస్ట్రేలియా ఒక్కటే కాకుండా ఇతర దేశాల పౌరులు కూడా క్విల్వీ నగరంపైపు చూస్తున్నారని తెలిసింది. అయితే, ఆస్ట్రేలియా పౌరులు, పర్మినెంట్ రెసిడెంట్ స్టేటస్ ఉన్నవారికి మాత్రమే ఈ ఉచిత స్థలం ఇస్తామని అధికారులు స్పష్టంచేశారు.
Free COVID vaccine: ‘ఉచిత వ్యాక్సిన్’ విషయంలో మోడీ భయపడ్డారా? లేక భయపెట్టారా?
గొర్రెలు, ఆవులు, మేకలు మేపేవారు తక్కువ..
ఈ నగరం దేశంలోని క్వీన్స్ లాండ్ రాష్ట్రాంలోని పశ్చిమ వైపు ఉంది. నగరాలకు దూరంగా ఈ క్విల్పీ సిటీ ఉండటంతో జనాభా వేరే ప్రాంతాలకు వలస వెళ్లారు. దీంతో అక్కడ గొర్రెలు, ఆవులు, మేకలు మేపేవారు తక్కువ అయ్యారు. మనుషుల అవసరం ఏర్పడింది. అందుకే అక్కడ జనాభాను పెంచితే ఉద్యోగాలను నింపి, పశుసంపదను పెంచాలని అక్కడి ప్రభుత్వం ఆలోచిస్తున్నది. ప్రస్తుతం అక్కడి జనాభా చాలా తక్కువ కావడంతో పశుసంపద తగ్గిపోతుంది. ఇక్కడి నివసించాలనుకునే వారికి తప్పకుండా వాహనం ఉండాలి. వీరికి ఏదైనా కావాలన్నా చార్లెవిల్లే, రోమా, బ్రిస్బేన్ వంటి నగరాలకు వెళ్లి తెచ్చుకోవాల్సి ఉంటుంది. అందుకే ప్రజలు ఇక్కడ నివసించేందుకు ఆలోచిస్తున్నారు. అందుకు ఇక్కడి ప్రభుత్వం ఉచిత స్థలం ఇస్తామని ప్రకటించడంతో జనాభా ఏ మాత్రం పెరుగుతారో వేచిచూడాల్సిందే.