బ్యాంకులతో మనకు విడదీయరాని సంబంధం ఉంది. మనం బ్యాంకులో దాచుకున్న మొత్తాన్ని మనకు కావలసినప్పుడు తీసుకోవాలనుకున్నా.. డబ్బులను దాచుకోవాలనుకున్నా.. బ్యాంకులకు పోవాల్సిందే. అయితే ఆన్లైన్ సర్వీసులు వచ్చి ఈ సమస్యను తీర్చినా కానీ.. ఆన్లైన్ సేవలను సరిగ్గా వాడలేనివారు, ఆన్లైన్ లో తలెత్తిన సమస్యలను పరిష్కరించుకోవాలనుకునే వారు బ్యాంకులకు పోవాల్సిందే. అయితే.. మనకు బ్యాంకుతో అవసరం ఉన్నాకానీ రేపు వెళ్లోచ్చులే.. అని వాయిదా వేసుకుంటూ పోతుంటాం.
అయితే.. మనం పోయిన రోజు బ్యాంక్ కు హాలీడే అని రాసి ఉండటాన్ని చూసి చిరాకు పడతాం. ఇట్లాంటి సమస్యలు తలెత్తోద్దు అంటే మాత్రం.. నెలలో ఎన్ని హాలీడేస్ ఉన్నాయో అని ఒక లుక్ వేస్తే సరిపాయే. అప్పుడు ఏ రోజు పోవాలో ఏ రోజు పోవొద్దో మనకు తెలుస్తుంది కదా.. అయితే నవంబర్ విషయానికి వస్తే.. ఈ నెలలో బ్యాంక్లు మొత్తం 4 ఆదివారాలు, రెండు శనివారాల్లో మూసి ఉండనున్నాయి.
అలాగే నవంబర్లో పండుగలు చాలనే ఉన్నాయి. అంటే సెలవులు కూడా ఎక్కువగానే ఉన్నట్లే కదా.. ఈ నెలలో దీపావళి, గురునానక్ జయంతి ఉంది. కాబట్టి ఆ రోజుల్లో కూడా బ్యాంకులకు సెలవులు ఉంటాయి. అయితే కేంద్ర ప్రభుత్వం ప్రకటించే సెలవులు అన్నీ పబ్లిక్, ప్రైవేటు బ్యాంకులకు వర్తిస్తాయి. నవంబర్ నెలలో బ్యాంకులకు ఉండనున్న సెలవుల వివరాలు..
నవంబర్ 1 – ఆదివారం
నవంబర్ 8 – ఆదివారం
నవంబర్ 14 – రెండో శనివారం, దీపావళి
నవంబర్ 15 – ఆదివారం
నవంబర్ 22 – ఆదివారం
నవంబర్ 28 – నాలుగో శనివారం
నవంబర్ 29 – ఆదివారం
నవంబర్ 30 – గురునానక్ జయంతి
నవంబర్ నెలలో మొత్తం 8 బ్యాంకు సెలవులు ఉన్నాయి. అయితే ఆదివారాలు, శనివారాలు మినహాయించి మిగిలిన సెలవుల తేదీలు మారే అవకాశం లేకపోలేదు. అందుకే పండగలు ఉన్నప్పుడు ప్రభుత్వం ప్రకటించే సెలవు రోజుల గురించి కూడా తెలుసుకోవాలి.