తెలుగు రాజకీయ నాయకులలో తనకంటూ సపరేట్ అనుచర గణాన్ని ఏర్పరచుకున్న నాయకులలో ఒకరు గుడివాడ ఎమ్మెల్యే మంత్రి కొడాలి నాని. గుడివాడ నియోజకవర్గం విషయానికొస్తే తెలుగుదేశం పార్టీకి కంచుకోటగా వుండేది. టిడిపి పార్టీ వ్యవస్థాపకుడు స్వర్గీయ నందమూరి తారక రామారావు కూడా ఈ నియోజకవర్గం నుండి పోటీ చేసిన సందర్భం ఉంది.
అటువంటి నియోజకవర్గంలో నందమూరి కుటుంబ ఆశీస్సులతో టికెట్ సంపాదించారు కొడాలి నాని. ఎప్పుడైతే కొడాలి నాని గుడివాడ కి ఎమ్మెల్యే అయ్యారో… పార్టీలకతీతంగా నియోజకవర్గ ప్రజల అభిమానాన్ని సంపాదించారు. టిడిపి పార్టీనే వీడి ఉమ్మడి ఆంధ్రప్రదేశ్ రాష్ట్ర సమయంలో… వైసీపీ లో చేరి చాలా దూకుడు రాజకీయాలు చేస్తూ వస్తున్నారు.
స్వయంగా ఒకానొక సమయంలో నందమూరి బాలకృష్ణ గుడివాడ ఎవరి అబ్బ సొత్తు కాదు టిడిపి సొత్తు అని స్టేట్మెంట్ లు ఇచ్చినా గాని గుడివాడ ప్రజలు కొడాలి నాని కే పట్టం కట్టారు. వైసీపీలో ఉంటూ ప్రతిపక్షంలో పార్టీ అధికారంలోకి వచ్చాక ఎప్పుడు కొడాలి నాని దూకుడు రాజకీయాలు చేస్తూ చంద్రబాబు పై భయంకరమైన విమర్శలు చేస్తూ రావడం జరిగింది. అటువంటిది కొడాలి నాని స్పీడు తగ్గించడం కోసం కంట్రోల్ చేయటం కోసం ఇటీవల పార్టీ తరఫున ప్రకటించిన పదవులు విషయంలో గుడివాడ నియోజకవర్గంలో రావి వెంకటేశ్వరరావు ని ఇన్చార్జిగా నియమించారు చంద్రబాబు. గతంలోనే కొడాలి నాని దెబ్బకు రావి సైలెంట్ అయిపోయారు. కానీ తాజాగా మాత్రం గుడివాడ నియోజకవర్గంలో పలు సమస్యలపై పోరాటం చేస్తూ కొడాలి నాని కి చెక్ పెట్టడానికి రావి వెంకటేశ్వరరావు ప్రయత్నాలు స్టార్ట్ చేశారు. ఈ క్రమంలో నియోజకవర్గంలో పరిస్థితి చూస్తే పార్టీలకతీతంగా కొడాలి నానికి ఫాలోయింగ్ ఉండటంతో… కొడాలి నాని ని కంట్రోల్ చేసే సత్తా రావి వెంకటేశ్వరరావు కి ఉంటుందా అన్న డిస్కషన్ లు స్టార్ట్ అయ్యాయి.