రోజు రోజుకీ నిజంగా స‌మాజం ఎటు వెళ్తుందో అర్థం కావ‌డం లేదు. కొంద‌రు ప్ర‌బుద్ధులు నోరు లేని మూగ జీవాల ప‌ట్ల త‌మ పైశాచిక‌త్వాన్ని ప్ర‌ద‌ర్శిస్తున్నారు. వాటిని హింసిస్తున్నారు. కొంద‌రు వాటితో వెకిలి చేష్ట‌లు చేస్తున్నారు. ఇక తాజాగా మ‌లేషియాలోనూ ఎవ‌రో ఓ కుక్క‌కు పెయింట్ వేశారు. అచ్చం పులిని పోలి ఉండేలా పెయింట్ వేశారు. అనంత‌రం దాన్ని వీధుల్లోకి వ‌దిలారు. దీంతో ఈ విష‌యం ప్ర‌స్తుతం సోష‌ల్ మీడియాలో వైర‌ల్ అవుతోంది.
ఓ కుక్క‌కు పులిలా పెయింట్ వేశార‌ని చెబుతూ మ‌లేషియాలోని మ‌లేషియా యానిమ‌ల్ అసోసియేష‌న్‌కు చెందిన ప‌ర్‌స‌టువ‌న్ హైవ‌న్ ఓ ఫొటోను షేర్ చేయ‌గా.. ఆ ఫొటో ప‌ట్ల నెటిజ‌న్లు ఆగ్ర‌హం వ్యక్తం చేస్తున్నారు. కుక్క‌కు పులిలా పెయింట్ వేసిన వ్య‌క్తుల‌ను క‌నిపెట్టాల‌ని, వారిని క‌ఠినంగా శిక్షించాల‌ని అంటున్నారు. అనేక మంది ఆ కుక్క ఫొటోను షేర్ చేయ‌గా.. ఆ ఫొటో సోష‌ల్ మీడియాలో వైర‌ల్‌గా మారింది. ఈ సంఘ‌ట‌న‌కు కార‌ణ‌మైన వారిని వెంట‌నే గుర్తించాల‌ని చాలా మంది కోరుతున్నారు.
https://www.facebook.com/animalmalaysia/posts/1348819721991891
మ‌రోవైపు ఆ కుక్క‌ను చూసిన కొంద‌రు అది పులి అనుకుని భ‌య‌ప‌డ్డారు. అయితే అది కుక్క అని తెలిసి దాన్ని తీసుకెళ్లి పెయింట్ మొత్తం పోయేలా క‌డిగారు. కాగా ఆ కుక్క ఫొటోను ఇప్ప‌టికే 3వేల మందికి పైగా షేర్ చేయ‌గా.. 1100కు పైగా కామెంట్లు వ‌చ్చాయి. అంద‌రూ ఆ కుక్క‌కు అలా పెయింట్ వేసిన వారిపై మండిప‌డుతున్నారు.
