Programs: అసలు ఎక్సర్సైజ్ చేయడానికి సమయం కుదరడం లేదు అనుకున్నప్పుడు ఇలా ట్రై చేసి చూడండి
ఉదయం టిఫిన్ చేసే ముందు ఐదు నిమిషాల పాటు సూర్య నమస్కారాలు చెయ్యండి.. సూర్య నమస్కారాలు చేయడం వల్ల మన శరీరానికి, మైండ్ కి, మన ఆత్మకు ఎన్నో ప్రయోజనాలు ఉన్నాయి. చాలా యోగాసనాలు చేసిన ఫలితం ఒక్క సూర్య నమస్కారాలు చేయడం తో పొందవచ్చు. ఇది చేయడం చాలా తేలిక సమయం కూడా ఎక్కువ పట్టదు. దీనివల్ల మన శరీరంలో అన్ని ప్రధాన అవయవాల ఆరోగ్యం అద్భుతంగా ఉండడం తో పాటు ఆలోచనలలో స్పష్టత మరియు మానసిక బలం పెరుగుతుంది.
ఏదైనా వండుతున్నప్పుడు కొంత టైం పడుతుంది. ఏ వంట అయినా పూర్తి చేయడానికి కనీసం ఒక 30 నిమిషాలు పడుతుంది . కాబట్టి వంట చేస్తున్నప్పుడు కూడా ఒక రెండు మూడు నిమిషాలు చిన్న చిన్న ఎక్సర్సైజ్ చేయండి. ఎంత వ్యాయాయం ఎంత తక్కువసేపు చేసినా మీ శరీరానికి ఎంతో కొంత ప్రయోజనం ఉంటుంది అని మరువకండి.
టీవీలో ఏదైనా చూస్తున్నప్పుడు యాడ్స్ రాగానే ఛానెల్ మార్చేస్తాం ఇకనుండి అలా చేయకుండా అది మీకు వ్యాయామం చెయ్యాలి అని గుర్తు చేస్తున్నట్లు గా అనుకుని యాడ్స్ రాగానే చిన్నగా స్ట్రెచ్ , జంపింగ్ జాక్స్ లేదా అలా కాసేపు నడిచిన సరిపోతుంది. ఇలా చేస్తే రోజుకు ఒక గంట టీవీ చూసినా కూడా 10-15 నిమిషాలు వ్యాయామం జరుగుతుంది.. కానీ మనం టీవీ గంట మాత్రమే చూడం కదా ఆ లెక్కన ఎంత వ్యాయామం చేస్తాం అనేది లెక్కేసుకోండి. చూశారా యాడ్స్ తో ఎంత లాభమో .. ఎంత ఆరోగ్యాన్ని ఇస్తున్నాయో..
మీరు ఫోన్ వచ్చినప్పుడు అటు ఇటు నడుస్తూ కుదరకపోతే కనీసం నిలబడి అయినా మాట్లాడండి. దీనివల్ల చాలా తేలికగా శరీరానికి వ్యాయామం జరుగుతుంది. ఫోన్ ఎక్కువ సేపు మాట్లాడుతున్నప్పుడు మనకు తెలియకుండానే మన శరీరానికి వ్యాయామం జరిగిపోతుంటుంది.ఆరోగ్యంగా ఉండాలంటే వ్యాయామం చాలా అవసరం . మీరు చెప్పినట్టు అప్పుడప్పుడు కొంచెం కొంచెం చేసే వ్యాయామం తో ఏం ప్రయోజనం ఉంటుంది అని తక్కువ అంచనా వేయకండి. మీ బిజీ షెడ్యూల్ లో వీటిని చాలా తేలికగా చేస్తూ ఎన్నో ఆరోగ్య ప్రయోజనాలు పొందవచ్చు.