యూఎస్ లోని వైట్ హౌస్ లో కరోనా కలకలం సృష్టించింది. వైట్ హౌస్ లో యూఎస్ ప్రెసిడెంట్ డొనాల్డ్ ట్రంప్ నివాసముంటారు. అయితే.. వైట్ హౌస్ లో ఉండే ట్రంప్ సలహాదారు హోప్ హిక్స్ కు కరోనా సోకింది.
వెంటనే అప్రమత్తమైన వైట్ హౌస్ సిబ్బంది.. ప్రెసిడెంట్ ట్రంప్, ఆయన భార్య మెలానియాకు కరోనా పరీక్షలు నిర్వహించారు. హోప్ హిక్స్ కు కరోనా సోకడంతో ట్రంప్ దంపతులిద్దరూ హోం క్వారంటైన్ లోకి వెళ్లారు.
హోప్ హిక్స్.. అధ్యక్షుడు ట్రంప్ ప్రధాన సలహాదారు. ఆయనతో పాటు ఆమె కూడా వెళ్తుంటారు. ఎయిర్ ఫోర్స్ వన్ విమానంలో ట్రంప్ తో ప్రయాణాలు చేస్తుంటారు. హోప్ హిక్స్.. ట్రంప్ దంపతులిద్దరితో సన్నిహితంగా ఉంటుండటంతో వాళ్లిద్దరూ క్వారంటైన్ లోకి వెళ్లారు.
కరోనా ఫలితాల్లో డొనాల్డ్ ట్రంప్, ఆయన భార్య మెలానియా.. ఇద్దరికీ కరోనా సోకినట్టు తేలడంతో.. ఇద్దరూ క్వారంటైన్ లోనే ఉన్నారు. నాకు, మెలానియాకు కరోనా సోకిందని ట్రంప్ ట్వీట్ చేశారు. ఇద్దరం క్వారంటైన్ లో ఉన్నాం. డాక్టర్ల సలహా మేరకు చికిత్స తీసుకుంటున్నామని ట్రంప్ ట్వీట్ చేశారు.
https://twitter.com/realDonaldTrump/status/1311859538279239686
https://twitter.com/realDonaldTrump/status/1311892190680014849