డొనాల్డ్ ట్రంప్ రెండు టర్కీ కోళ్లను క్షమించారు. కూర కావలసిన వాటిని స్వేచ్చగా తిరిగేందుకు అనుమతిని ఇచ్చారు. అయితే ఆ కోళ్లను ఎందుకు క్షమించారు.. అసలు కోళ్లను క్షమించడం ఏంటి అనుకుంటున్నారా..? లేక అమెరికా అధ్యక్ష పదవి నుంచి దిగిపోతున్నందుకు వింతగా బిహేవ్ చేస్తున్నాడనుకున్నారా..? అలా ఏం కాదు. దీనికి సంబంధించిన పూర్తి వివరాలు తెలియాలంటే ఈ వార్తను పూర్తిగా చదవాల్సిందే..
ఎప్పుడూ వివాదాస్పద వ్యాఖ్యలతో వార్తల్లో నిలిచే ట్రంప్ ఇప్పుడు అలా ఉండటం లేదు. ఎన్నికల్లో గెలుపొందనందుకో లేక మరే కారణాలు ఉన్నాయో కానీ.. ఇప్పుడు నిలకడగా ఉన్నాడు. అధ్యక్షుడిగా మిగిలి ఉన్న కాలానికి సంబంధించిన పలు అధికారిక కార్యక్రమాలపై ట్రంప్ ఇప్పుడు దృష్టి సారించినట్లు తెలుస్తోంది.
అయితే అమెరికా సంప్రదాయం మేరకూ ఏర్పాటు చేసే థ్యాంక్స్ గివింగ్ డే. దానికంటే ముందుగానే ది నేషనల్ థ్యాంక్స్ గివింగ్ డేను నిర్వహిస్తారు. ఇందులో టర్కీ కోళ్లు స్పెషల్ గా నిలుస్తాయి. రోజ్ గార్డెన్ లో జరిగిన ఈ వేడుకలో ట్రంప్ ఉత్సహంగా పాల్గొన్నారు. ఈ కార్యక్రమంలో రెండు టర్కీ కోళ్లను క్షమించేశారు ట్రంప్. ఈ రెండు టర్కీ కోళ్లను ఐయోవా స్టేట్ యూనివర్శిటీలో స్వేచ్ఛగా తిరిగేందుకు ట్రంప్ అనుమతి ఇచ్చారు.
అయితే కోళ్లను క్షమించడం ఏంటని ప్రశ్న రావొచ్చు. ఇది ఎప్పటినుంచో వస్తున్న సాంప్రదాయం. ప్రతీ ఏడాది థ్యాంక్స్ గివింగ్ డేకు ముందు ది నేషనల్ టర్కీ ఫెడరేషన్ అమెరికా అధ్యక్షుడికి రెండు టర్కీ కోళ్లను అందిస్తారు. అధ్యక్షుడికి ఇష్టమైతే విందులో ఆ కోళ్లను తినొచ్చు. లేదంటే క్షమించి వదిలేయొచ్చు. ఇప్పుడు ట్రంప్ వీటిని వదిలేసారు అనమాట.
జార్జి డబ్ల్యూ బుష్కు ముందు ఉన్న అమెరికా అధ్యక్షులంతా ఈ టర్కీ కోళ్లను బుజించారు. కానీ జాన్ ఎఫ్ కెనడీ, రిచర్డ్ నిక్సన్, జిమ్మీ కార్టర్, రొనాల్డ్ రీగన్, జార్జి డబ్ల్యు బుష్ లాంటి వారు మాత్రం వాటిని స్వేచ్చగా తిరిగేందుకు అనుమతిని ఇచ్చారు. అలా అనుమతి పొందిన టర్కీలను డిస్నీ ల్యాండ్ రిసార్ట్కు లేకుంటే వాల్ట్ డిస్నీరిసార్ట్కు పంపిస్తారు. ఆ తరువాత కాలంలో మౌంట్ వెర్నాన్లోని జార్జ్ వాషింగ్టన్ ఇంటికి.. లీస్ బర్గ్లోని మోర్వెన్ పార్క్కు తరలించేవారు. ఇలా ట్రంప్ కు ఇచ్చే విందులో టర్కీలకు స్వేచ్చ లభించింది అనమాట.