COVID Vaccine: సాధారణంగా వ్యాక్సిన్ అనేది ఏదైనా సూక్ష్మక్రిమి బారినుండి మనల్ని రక్షించేందుకు ఉపయోగపడుతుంది. అయితే కరోనా విషయానికి వస్తే పాజిటివ్ అని తేలిన వారు వ్యాక్సిన్ వేసుకోరాదని ప్రభుత్వం చెబుతోంది. నెగిటివ్ రిపోర్ట్ వచ్చిన తర్వాత కొంతమంది మూడు నెలలకు వ్యాక్సిన్ వేసుకుంటే మంచిదని చెబుతున్నారు. మరి కొంతమంది ఏకంగా ఆరు నెలల వరకూ వేసుకోకూడదు అన్న వార్తలు ఫార్వర్డ్ చేస్తున్నారు.
అసలు ఇంతకీ కోవిడ్ సోకిన తర్వాత వ్యాక్సిన్ వేసుకోవచ్చా…? పాజిటివ్ వచ్చిన తర్వాత ఎన్ని రోజులకు వేసుకోవాలి అనే విషయం పై విపరీతమైన గందరగోళం నెలకొంది. ముందేమో ప్రభుత్వం తరపున నియమించబడిన ప్యానెల్ కోవిడ్ సోకిన వారు కనీసం ఆరు నెలల గ్యాప్ తీసుకొని వ్యాక్సిన్ వేయించుకోవాలి అని చెప్పారు. అయితే ఇండియన్ మెడికల్ అసోసియేషన్ వారు మాత్రం దానిని ఖండించారు.
ఆరు నెలల పాటు ప్రజలను దూరంగా పెడితే వారికి మళ్ళీ వైరస్ సోకే అవకాశం ఉంటుందని…. అప్పుడు వారిని అనుచితంగా వైరస్ కు బలి చేసినట్లు ఉంటుందని వ్యాఖ్యానించారు. అయితే మరలా ప్రభుత్వం మూడు నెలల గడువుకి దానిని కుదించించి.
కానీ అంతర్జాతీయ సైంటిస్టులు మాత్రం నెగిటివ్ అని వచ్చిన తర్వాత ఒక నెల మాత్రమే సరిపోతుంది అని చెబుతున్నారు. కొంత మంది అయితే అసలు వైరస్ దాడి జరుగుతున్నప్పుడు వ్యాక్సిన్ వేసుకోకూడదు అన్న దానికి శాస్త్రీయ పరంగా ఎటువంటి ఆధారాలు లేవని కూడా అంటున్నారు. ఇక ఈ విషయంలో కేంద్ర ప్రభుత్వం పై అనుమానాలు మొదలవుతున్నాయి.
వ్యాక్సిన్ ఉత్పత్తి పెంచలేక ఇలా పాజిటివ్ అని వచ్చినవారు వ్యాక్సిన్ వేసుకోకూడదు అని చెబితే ఆ సమయం లో మిగిలిన వారికి వ్యాక్సిన్ వేయొచ్చని…. కాబట్టి కేంద్రం వ్యాక్సిన్ పొందుపరచడం లేదని విమర్శకులు కూడా తావు ఉండదు అని.. డిమాండ్ తగ్గిపోతుంది అని మరి కొందరు ఆరోపిస్తున్నారు. ఇక దీనిపై కేంద్రం ఖచ్చితమైన స్పష్టత ఇవ్వాల్సిందే..!
