ప్రస్తుతం రోగనిరోధక శక్తిని పెంపొందించుకోవడానికి ఎన్నో రకాల “టీ”, కషాయాలు అందుబాటులో అలాంటి వాటిలో”కొంబుచా టీ” కూడా ఒకటి.మొట్టమొదటిసారిగా ఈ టీ రష్యాలో తయారు చేస్తున్నారన్న ప్రచారం సాగుతున్నప్పటికీ, వాటికి సంబంధించిన సరైన ఆధారాలు లేవు. కొన్ని వందల సంవత్సరాల నాటి నుంచి ఈ టీ ప్రాచుర్యంలో ఉన్నప్పటికీ ప్రస్తుతం ఇతర దేశాల వారు ఈ టీ రుచిని ఆస్వాదిస్తున్నారు.ఈ కొంబుచా టీ ను ప్రతి రోజూ తీసుకోవడం వల్ల ఎలాంటి ఆరోగ్య ప్రయోజనాలు కలుగుతాయో మనం ఇక్కడ తెలుసుకుందాం…
కొంబుచా టీ లో అధికశాతం ప్రోబయోటిక్స్ ఉండటంవల్ల మన జీర్ణాశయం ప్రేవుల్లో ఉండే మంచి బ్యాక్టీరియాల సంఖ్యను పెంచుతాయి. దీనివల్ల ఎటువంటి జీర్ణక్రియ సమస్యలు తలెత్తకుండా జీర్ణక్రియ రేటు మెరుగుపడటంతో పాటు మన శరీరంలో ఏర్పడే మలబద్ధకాన్ని కూడా నివారిస్తుంది. అంతేకాకుండా ఇందులో అధిక మొత్తంలో యాంటీబ్యాక్టీరియల్, యాంటీ ఇన్ఫ్లమేటరీ గుణాలు ఉండటం వల్ల రోగ నిరోధక శక్తిని మెరుగు పరచడంలో కీలకపాత్ర పోషిస్తుంది.
ఈ టీ ప్రతి రోజు తీసుకోవడం వల్ల ఇందులో ఉన్న యాంటీ ఇన్ఫ్లమేటరీ లక్షణాలు మన శరీరంలోని చెడు కొలెస్ట్రాల్ ను కరిగించి గుండెకు సంబంధించినటువంటి వ్యాధులు రాకుండా కాపాడుతుందనీ శాస్త్రవేత్తలు తెలియజేస్తున్నారు. అంతేకాకుండా శరీర బరువును తగ్గించడంలో ఈ టీ కీలక పాత్ర పోషిస్తుంది. టైప్2 డయాబెటిస్ తో బాధపడే వారు నిత్యం ఈ టీ సేవించడం వల్ల రక్తంలోని చక్కెర స్థాయిలను తగ్గించి షుగర్ వ్యాధిని నిలకడగా ఉంచుతుంది.
ఇందులో ఉన్న యాంటీ ఇన్ఫ్లమేటరీ గుణాలు మన శరీరంలో ఏర్పడే ఫ్రీ రాడికల్స్ నుంచి కాపాడటమే కాకుండా క్యాన్సర్ కణాలకు వ్యతిరేకంగా పోరాడి క్యాన్సర్ నుంచి మన శరీరాన్ని కాపాడుతుందని పలు అధ్యయనాల్లో వెల్లడైంది. ప్రస్తుతం కరోనా సమయంలో ఈ టీ తాగడం వల్ల మన శరీరంలో రోగ నిరోధక శక్తి పెరగడంతోపాటు ఎన్నో రకాల వ్యాధుల నుంచి మనల్ని కాపాడుతుంది.
