నేటి కాలంలో అందర్నీ బాగా వేధిస్తోన్న ముఖ్యమైన సమస్య ‘బెల్లీ ఫ్యాట్’. దీన్ని తగ్గించుకోవడానికి అనేక ప్రయోగాలు చేస్తుంటారు. ఎక్కువ కేలరీలున్న ఆహారాన్ని తీసుకోవడం ద్వారా పొట్ట చుట్టూ కొవ్వు చేరిపోతుంది. దీని వల్ల అనేక అనారోగ్య సమస్యలు వచ్చే ప్రమాదం లేకపోలేదు. అందువల్ల కృత్రిమం గా కాకుండా సహజం గా కొవ్వు తగ్గించుకునే ప్రయత్నాలు చేయడమే మంచిది.
బొజ్జ లో ఉన్న కొవ్వు తగ్గించుకోవడాన్ని ఒక ఛాలెంజ్‌గా తీసుకున్నప్పుడే విజయం సాధించగలరు అని గుర్తు పెట్టుకోవాలి. బరువు తగ్గాలనే మొండి పట్టుదలతో పాటు ఆహార నియమా ల విషయం లో కఠినం గా ఉండటం చాలా ముఖ్యం. సహజం గా పొట్టలో చేరిన కొవ్వు ను తగ్గించడానికి సహాయపడే కొన్ని ఆరోగ్యకరమైన పానీయా ల గురించి తెలుసుకుందాం.
ఉదయం లేవగానే ఒక గ్లాసు నిమ్మ రసం తీసుకోవడం తో రోజు ప్రారంభించడం మంచిది. ఇది పొట్ట లో చేరిన కొవ్వు ని తగ్గించడంలోబాగా పని చేస్తుంది. నిమ్మకాయ లో యాంటీ ఆక్సిడెంట్లు మరియు పెక్టిన్ ఫైబర్లు దండిగా లభిస్తాయి.ఇవి బొడ్డు చుట్టూ నిల్వ ఉన్న కొవ్వును తగ్గిస్తాయి . గోరువెచ్చని నీటి లో ఒక టీస్పూన్ తేనె, కొన్ని చుక్కల నిమ్మ రసం కలిపి ప్రతిరోజూ ఉదయాన్నే తాగడం వలన మంచి ప్రయోజనం ఉంటుంది.
ఆరోగ్యం, పోషణ కొరకు ప్రపంచం లో ఎక్కువగా తాగేది గ్రీన్ టీ. దీనిలో కాటెచిన్స్ వంటి యాంటీ ఆక్సిడెంట్లు పుష్కలంగా దొరుకుతాయి. ఇవి కొవ్వును కరిగించడానికి మరియు జీవ క్రియను పెంచడానికి ఉపయోగపడతాయి. మీరు చక్కెర కలిపి లేదా చెక్కెర లేకుండా కూడా దీన్ని తాగవచ్చు. కనీసం రోజుకు 3 కప్పు ల గ్రీన్‌టీ త్రాగడం మంచిది.
ఒక గ్లాసు నీటి లో ఒక టేబుల్ స్పూన్ జీలకర్రను వేసి రాత్రి అంత నానబెట్టండి. దాన్ని వడ కట్టి, ఉదయాన్నే ఖాళీ కడుపుతో తాగడం వలన జీవ క్రియను మెరుగుపర్చడానికి సహాయపడుతుంది. జీలకర్ర నీళ్లు ఆకలిని అణిచివేయడమే కాకుండా అతిగా తినడాన్ని నిరోధిస్తుంది. దానితో బెల్లీ ఫ్యాట్ను వదిలించుకోవడానికి ఇది సమర్థవంతంగా ఉపయోగ పడుతుంది. 2-3 టేబుల్ స్పూన్ల అలోవెరా జెల్ను ఒక గ్లాసు నీటి లో వేసి రుచి కోసం కొన్నిచుక్కల నిమ్మ రసం మరియు తేనెనుకలుపుకుని తాగాలి.ఇలా తీసుకోవడం ద్వారా పొట్ట వద్ద ఉన్న కొవ్వు మరియు బరువు తగ్గుతుంది.
ఖనిజాలు మరియు యాంటీ ఆక్సిడెంట్లతో నిండిన కలబంద రసం తాగడం వల్ల జీర్ణక్రియ మెరుగుపడం బరువు తగ్గడం కూడా జరుగుతుంది. గ్రీన్ కాఫీ లో క్లోరోజెనిక్ ఆమ్లాలు అధికంగా ఉంటాయి. క్లోరోజెనిక్ ఆమ్లం కొవ్వు ల ను శక్తిగా మార్చేటప్పుడు బరువు తగ్గడానికి ఉపయోగపడుతుంది. ఇది ఫ్యాట్ను త్వరగా తగ్గేలా చేస్తుంది. దీన్ని ఇన్స్టంట్ కాఫీ కి బదులుగా రోజు తాగవచ్చు .వీటిలో ఏదో ఒక విధానాన్ని ప్రతి రోజు అనుసరిస్తూ ఉండడం వలన బరువు అదుపులో ఉంటుంది.
