Early morning :పొద్దున్నే నిద్ర లేచేటప్పుడు ఒక్కో రోజు ఒక్కోటైంకి కాకుండా … రోజూ ఒకే టైం కి లేచేలా అలవాటు చేసుకోవాలి. ఉదయం వేళ కాస్మిక్ ఎనర్జీ చాలా ఎక్కువగా ఉంటుంది. మనం నిద్ర లేచిన తర్వాతే,ఆ ఎనర్జీ ని మన శరీరం గ్రహిస్తుంది.అందుకోసం ఉదయం బద్దకించకుండా వీలైనంత త్వరగా లేవండి. కొద్దీ రోజులకు మీలో వచ్చే మార్పును స్పష్టం గా గమనిస్తారు.ఎప్పుడు పడితే అప్పుడు లేచేవారికి మానసికమైన సమస్యలు తప్పవు అంటున్నారు నిపుణులు.
శరీరానికి ఒకే టైం కి లేవడం అనే పద్దతిని తప్పక అలవాటు చేయాలి. పొద్దున్నే లేవగానే మీ పడక గదిలో వెలుతురు ఉండాలి. అలావెలుతురు రావాలం టే లైట్ వేసుకోకుండా సహజమైన బయటి వెలుగు లోన పడేట్టు చూసుకోవాలి. అలాగే తలుపులు,కిటికీలు తెరవగానే ఆ కాంతి మీకు చేరాలి. ఆ కాంతి లో లోపాజిటివ్ ఎనర్జీ చాలా ఉండడం తో పాటు ఆ సమయంలో గాలి చాలా స్వచ్ఛంగా ఉంటుంది. అవి మీ గదిలో కి రావడం వలన అన్ని రకాలుగా మేలు కలుగుతుంది.
లేవగానే గది లోంచీ బయటకువెళ్ళకూడదు . లేచేటప్పుడు నిదానం గా లేవాలి. చేతులను అటూ ఇటూకదుపుతూ సాగతీయాలి. బెడ్పై కాసేపు ప్రశాంతం గా కూర్చోవాలి. బలంగా గాలి పీల్చి వదలడం లాంటివి నాలుగైదు సార్లు చెయ్యాలి. తూర్పు వైపు తిరిగి దండం పెట్టుకోవాలి.ఉదయం వేళా తూర్పు వైపున ఆకాశం చాలా నిర్మలం గా, ప్రత్యేక రంగుల తో కనిపిస్తుంది. అలాంటి ఆకాశం మీ మనసును ఆహ్లాద పరుస్తుంది. అప్పుడే ఆహారం కోసం తమ గుడులను వదిలి గుంపులుగా వెళ్తున్న పక్షులను చూడడం వలన మీకు చాల ఆనందం కలుగుతుంది.
నిద్ర లేచాక మంచం పై ఉన్న దుప్పటి, దిండు వంటి వాటిని చక్కగా సరిచేసి కప్పుకున్న దుప్పటి మడత పెట్టి పక్కన పెట్టేయండి. వాయిదా వేయకుండా వెంటనే ఈ పని చేయడం వల్ల మీలో చాలా క్రమశిక్షణ వస్తుంది. ప్రతీ దీ పర్ఫెక్టు గా ఉండేలా చూసుకోవడం అలవాటైపోతుంది.లేవగానే కాఫీ, టీ బదులు 4 గ్లాసుల వెచ్చటి నీరు లేచిన దగ్గరనుండి అరగంటకు ఒకసారి తాగండి.ఇక మీ మనస్సు శరీరం ఎంతో ఉత్సహం గాఉండి రోజంతా సంతోషం గా గడుస్తుంది.