Stains :కొత్త టవల్స్ ను మొదటిసారి ఉతికేటప్పుడు రంగు పోతుంది. అలా పోకుండా ఉండాలంటే, మొదటిసారి టవల్స్ ను ఉతికేటప్పుడు అర కప్పు ఉప్పు నీళ్లలో వేసి వాటిని ఆ నీళ్లలో నానబెడితే సరిపోతుంది .
బట్టలపై చోక్లేట్ మరకలు అంటితే , ముందు కొద్దిగా బట్టల సోడా కలిపిన నీటిలో వాటిని ఉంచి, కొద్దిసేపయ్యాక సబ్బుతో ఉతికితే సరిపోతుంది.బట్టల మీద పడ్డ ఇంకు మరకలు పోగొట్టాలంటే, ఇంకు మరకలు ఉన్న చోట నిమ్మబద్దతో కాని, టూత్పేస్ట్తో గాని మరక పయిన రాసి ఉతికితే చాలు. దీనికి ఇంకో చిట్కా కూడా ఉంది. ఇంకు మరకలు పడిన చోట నీళ్లు జల్లి ఉప్పు తో రుద్ది, గోరువెచ్చని నీళ్లలో ఉతికినా కూడా కూడా మరకలు అనేవి అసలు కనిపించవు.బట్టల పై ఉన్న నూనె మరకలు పడితే మరకలు మీద కొంచెం గోధుమపిండి వేసి రుద్ది తర్వాత సబ్బుతో వాష్ చేసేస్తే మరకలు మిగలవు. ే దుస్తులపై కిళ్లీ మరకలు పోవడానికి పెరుగు తో మరకలు బాగా రుద్ది ఉతికితే సరిపోతుంది.
అద్దాలపై మరకలు గా ఉంటే కొద్దిగా వెనిగర్ను గాని,అమోనియాను గాని నీళ్ళల్లో కలిపి దానితో తుడిచి పోగొట్టవచ్చు. ే చల్లారిన టీ తో మరకల్ని రుద్ది మంచి గుడ్డతో తుడిచినా మరకలు లేకుండా ఉంటాయి .బట్టలపై తుప్పు మరకలు అంటి నప్పుడు వాటిమీద ముందు నిమ్మరసం రాసి… ఆ తర్వాత కొంచెం ఉప్పు చల్లి కొంచెం సేపు ఆరబెట్టాలి . చాలా రోజుల నుంచి ఆ మరక ఉంటే 2,3 సార్లు పై విధంగా చేయవలసి ఉంటుంది .
ఇస్త్రీపెట్టి మరకలు పోవడానికి వెనిగర్,ఉప్పు కలిసి వేడిచేసిన ద్రవం మరకలపై వేసి రుద్దాలి.
దుస్తులపై కాఫీ,టీలు పడినప్పుడు వెంటనే వేడి పాలతో రుద్దితే పడ్డ మరకలు వదిలిపోతాయి.
బట్టలకు అంటుకున్న గోరింటాకు మరకలు పోవాలంటే ఆ మరకలు ఉన్న భాగాన్ని వేడి పాలలో కొంచెం సేపు నానబెట్టి సబ్బుతో రుద్ది ఉతికితే చాలు మరకలు మాయం అవుతాయి.
Lok Sabha Elections 2024: ప్రధాని మోడీ వివాదాస్పద వ్యాఖ్యలు .. ఫిర్యాదులపై ఈసీ పరిశీలన..?