Black heads: ఎంత అందమైన ముఖం అయినా కూడా.. బ్లాక్హెడ్స్ Black heads వచ్చాయంటే చాలు..ఎవరైనా అంద విహీనంగా కనిపిస్తారు. సెబాసియస్ అనే గ్రంథి సెబమ్ అనే ఒక రకమైన నూనెని ఎక్కువగా స్రవిస్తుంది. అందువల్లే ముఖం మీద బ్లాక్ హెడ్స్ వస్తాయి . అలాగే చర్మానికి రంగునిచ్చే పిగ్మెంట్ఎక్కువగా ఉన్నా కూడా బ్లాక్ హెడ్స్ సమస్య వస్తుంటుంది. వీటితో పాటు వాతావరణం లో ఉండే దుమ్ము, ధూళి,కాలుష్యం, వంటి కూడా బ్లాక్ హెడ్స్ వచ్చేందుకు కారణం గా చెప్పవచ్చు.అయితే బ్లాక్హెడ్స్ను తొలగించేందుకుచాలా సులభమైన చిట్కాలు ఉన్నాయి. అవేంటో తెలుసుకుందాం….
రెండు కోడి గుడ్ల నుంచి కేవలం తెల్ల సొనను మాత్రమే తీసుకుని ఒక టీ స్పూను తేనె వేసి బాగా కలిసేలా గిలక్కొట్టాలి. ఈ మిశ్రమాన్ని ముఖానికి రాసుకుని అరగంటఆరిన తర్వాత కడిగేసుకోవాలి. ఇలా వారానికోసారి చేస్తూ ఉండాలి .పెరుగు ఒక టేబుల్ స్పూన్ , బియ్యం పిండి ఒక టీస్పూన్ రెండిటిని కలిపి బ్లాక్ హెడ్స్ ఉన్న చోట రాసి ఆరిపోయిన తరువాత చల్లని నీటితో కడిగేసుకోవాలి. ఇలా చేస్తుంటే సమస్య తగ్గుతుంది. బేకింగ్ సోడా గోరువెచ్చని నీళ్లలో కలిపి పేస్ట్లా తయారు చేసుకోవాలి. ఈ పేస్ట్తో బ్లాక్హెడ్స్ ఉన్న ప్రదేశంలో వృత్తాకారం లో మసాజ్ చేసుకోవాలి . ఇలా చేస్తే చర్మ రంథ్రాలు తెరుచుకుని బ్లాక్హెడ్స్ బయటకు రావడానికి అవకాశం ఉంటుంది . ఇలా చేసిన తర్వాత నీళ్లతో ముఖం శుభ్రంగా కడుక్కుని మాయిశ్చరైజర్రాసుకోవాలి .
రోజ్ వాటర్ ను ఉపయోగించి గంధం చెక్క సాయం తో గంధం తీసి ముఖానికి ప్యాక్లా వేసుకోవాలి. కొంత సేపటికి మిశ్రమం ఆరిపోయాక చల్లని నీటితో కడిగేసుకోవాలి . ఇలా చేయడం వల్ల బ్లాక్ హెడ్స్ సమస్య పోవడంతో పాటు చర్మం కూడా కాంతివంతంగా ఉంటుంది.
నిమ్మకాయ సగభాగాన్ని తీసుకొని పంచదారలో అద్ది ముఖం అంతా సున్నితం గా మర్ధన చేసుకోవాలి. అలాగే ముక్కు చుట్టూ కూడా మర్దన చేసుకోవాలి.ఇలా చేయడం వల్ల బ్లాక్ హెడ్స్ తో పాటు దానికి సంబందించిన మచ్చలను కూడాలేకుండా చేస్తుంది.