ECI: విజయోత్సవ సంబరాలపై ఈసీ ఆదేశాలు బేఖాతరు..! సీఎస్ లకు ఈసీ ఆదేశాలు..!!

ECI: నాలుగు రాష్ట్రాలు, కేంద్ర పాలిత ప్రాంతాల అసెంబ్లీ ఎన్నికల ఫలితాలు వెల్లడవుతున్న నేపథ్యంలో అధిక్యంలో ఉన్న పార్టీ నేతలు, కార్యకర్తలు ఈసీ ఆదేశాలను బేఖాతరు చేస్తూ కరోనా విజృంభణ మరచి సంబరాలు చేసుకుంటున్నారు. విజయోత్సవ సంబరాలపై నిషేదం విధించినప్పటికీ కొన్ని ప్రాంతాల్లో పెద్ద సంఖ్యలో నేతలు, కార్యకర్తలు గుమిగూడి ర్యాలీలు, ప్రదర్శనలు నిర్వహిస్తున్నారు. నేతలు, కార్యకర్తల సంబరాలు నిర్వహించడంపై ఎన్నికల సంఘం తీవ్ర ఆగ్రహం వ్యక్తం చేస్తోంది. ఈసీ ఆదేశాలను దిక్కరించి ర్యాలీలు, ప్రదర్శనలు నిర్వహించిన వారిపై కేసులు నమోదు చేయాలంటూ ఆయా రాష్ట్ర ప్రభుత్వ ప్రధాన కార్యదర్శులను ఆదేశించింది. ఏ ప్రాంతాల్లో అయితే విజయోత్సవ ర్యాలీలు జరుగుతున్నాయో ఆయా ప్రాంతాల ఎస్ హెచ్ ఒలను  బాధ్యులను చేయాలని, సస్పెండ్ చేయాలని ఈసీ ఆదేశించింది.

దేశంలో కోవిడ్ ఉదృతి నేపథ్యంలో కౌంటింగ్ రోజున వియోత్సవ ర్యాలీలపై ఇటీవల ఈసి నిషేదం విధించిన సంగతి తెలిసిందే. ఎన్నికలలో విజయం సాధించిన అభ్యర్థులు. నేతలు, పార్టీ కార్యకర్తలు విజయోత్సవ సంబరాలు నిర్వహించరాదని ఈసిీ స్పష్టం చేసింది. విజయం సాధించిన అభ్యర్థులు రిటర్నింగ్ అధికారి నుండి దృవపత్రం తీసుకునే సమయంలో వారి వెంట ఇద్దరుకి మంచి ఉండరాదని కూడా తెలిపింది. కౌంటింగ్ కేంద్రాలకు వచ్చే అభ్యర్థులకు కరోనా నెగిటివ్ రిపోర్టు తప్పనిసరిగా చూపించాలని కూడా ఆదేశించింది. నేటి కౌంటింగ్ సందర్భంగా అయిదు రోజుల క్రితమే ఈసీ విజయోత్సవ ర్యాలీలపై నిషేద ఉత్తర్వులు జారీ చేసినా పలు ప్రాంతాల్లో నేడు కార్యకర్తలు, నేతలు సంబరాలు నిర్వహిస్తున్నారు.

Election Commission of India writes to Chief Secretaries of all States/UTs to "prohibit victory celebrations urgently". ECI also directs that responsible SHOs and other officers must be suspended immediately and criminal and disciplinary actions must be initiated against them pic.twitter.com/4aEydSH42P

— ANI (@ANI) May 2, 2021

sharma somaraju Content Editor

See Full Bio