బ్యాంకుల రుణాలు తీసుకుని ఎగవేసిన కేసులో కార్వీ స్టాక్ బ్రోకింగ్ లిమిటెడ్ (కేఎస్ బీఎల్) కు ఎన్ ఫోర్స్ మెంట్ డైరెక్టరేట్ (ఈడీ) మరో సారి షాక్ ఇచ్చింది. కార్వీ ఎండీ పార్ధసారధికి చెందిన రూ.110 కోట్ల విలువైన ఆస్తులను ఈడీ అధికారులు జప్తు చేశారు. ఇందులో పార్ధసారధికి చెందిన భూములు, భవనాలు, షేర్లు, విదేశీ నగదు ఉన్నాయి. ఇప్పటికే ఈ కేసులో ఈడీ రూ.1,984 కోట్ల ఆస్తులను జప్తు చేసింది.
స్టాక్ బ్రోకింగ్ లో నమ్మకమైన సంస్థగా గుర్తింపు సంపాదించుకున్న కార్వీ .. నిబంధనలకు విరుద్దంగా మదుపరుల షేర్లు తమవి పేర్కొని వేర్వేరు కార్పోరేట్ బ్యాంకుల నుండి ఎనిమిది సంవత్సరాల్లో దాదాపు రూ.3520 కోట్ల రుణం తీసుకుంది. ఈ రుణాలను వేర్వేరు సంస్థలకు మళ్లించేందుకు 20 షెల్ కంపెనీలను ప్రారంభించింది. ఇది గమనించిన కొందరు వినియోగదారులు ఈ విషయాన్ని సెబీకి పిర్యాదు చేయగా విచారణ జరిపిన సెబీ ఆరోపణలు నిరూపితం కావడంతో కార్వీ స్టాక్ బ్రోకింగ్ సంస్థ ట్రేడింగ్ పై నిషేదం విధించింది. ఆ నాటి నుండి కార్వీ సీఎండీ పార్ధసారధి రుణాలు చెల్లించకపోవడంతో బ్యాంకుల ప్రతినిధులు వేర్వేరుగా పోలీసులకు పిర్యాదు చేశారు.
ఆ ఫిర్యాదులపై గతంలోనే కార్వీ సంస్థ ఎండీ పార్ధసారధి, సీఎఫ్ఓ కృష్ణహరిని పోలీసులు అరెస్టు చేశారు. ప్రస్తుతం వారు బెయిల్ పై బయట ఉన్నారు. ఇదే క్రమంలో మనీలాండరింగ్ కింద కార్వీపై కేసు నమోదు చేసిన ఈడీ తాజా చర్యలతో ఇప్పటి వరకూ రూ.2,095 కోట్ల విలువైన ఆస్తులను అటాచ్ చేసింది.
